काठमाडाैं- विशेष अदालत काठमाडाैंले कोरोना महामारीलाई ध्यानमा राख्दै अदालतमा संक्रमण रोक्न अभियुक्तसँगै पिसिआर परीक्षण रिपाेर्ट पेश गराउने तयारी गरेको छ।
विशेषले अख्तियार दुरुपयोग अनुसन्धान आयोग, विशेष सरकारी वकिलको कार्यालय र सम्पत्ति शुद्धीकरण अनुसन्धान विभागलाई पिसिआर परीक्षणको रिपाेर्टसहित अदालत उपस्थित हुन पत्र लेखेको छ। विशेषमा अख्तियार र विभागले सम्पत्ति शुद्धीकरणको मुद्दा दर्ता गराउँछन्।
अख्तियारमा ३५ जना संक्रमित फेलापरेपछि विशेषले यस्तो पत्र लेखेको हो। विशेष अदालतका रजिष्ट्रार अशोककुमार क्षेत्रीले हालसम्म अदालतमा कुनै संक्रमित नरहेको तथा मुद्दा दायर गर्ने निकाय, सेवाग्राही र कानुन व्यवसायीबाट पनि संक्रमण नसरोस् भनेर सतर्कता अपनाइएको बताए।
अख्तिायरमा पनि संक्रमित देखा परेकाले अभियोगपत्र दायर, म्याद थपलगायतका कार्यमा अभियुक्तसहित प्रहरीको पनि पिसिआर रिर्पोट पठाउन विशेषले आग्रह गरेको छ। विशेषले मुद्दामा बहस गर्न आउने कानुन व्यवसायीलाई पनि भीडभाड नगरी बहस गरिदिन आग्रह गरेको छ। रजिष्ट्रार क्षेत्रीले अदालतमा बहस गर्न आउने कानुन व्यवसायीलाई भीड नगरिदिन आग्रह गरिएको बताए।
१४ कर्मचारीको कोरोनो रिपाेर्ट नेगेटिभ
अख्तियारका कर्मचारीमा कोरोना संक्रमण देखिएपछि विशेषले पनि फ्रन्ट लाइनमा कार्यरत रहेका कर्मचारीहरूको पिसिआर परीक्षण गराएको थियो।
उनीहरूको रिपाेर्ट नेगेटिभ आाएको छ। अख्तियारका कर्मचारी र सर्वसाधारणसँग प्रत्यक्ष .सम्पर्क हुने कर्मचारीमा कुनै पनि संक्रमण पुष्टि नभएको रजिष्ट्रार क्षेत्रीले बताए। आगामी दिन अझ सजहता अपनाउने कार्य अदालतबाट गर्ने तयारी भइरहेको उनले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751451787.jpg)
-1751453021.jpg)
-1751451738.jpg)
-1749826086.png)
