काठमाडौं- भारतीय अभिनेता अभिषेक बच्चनमा गरिएको कोरोना परीक्षण पुनः पोजेटिभ आएको छ। आइतबार साँझ एक ट्विट गर्दै अभिनेता बच्चनले आफूलाई फेरि पनि कोरोना पोजेटिभ नै भएको रिपोर्ट आएको जानकारी दिएका हुन्।
यसअघि उनका पितासमेत रहेका अमिताभ बच्चनमा भने कोरोना नेगेटिभ रिपोर्ट आएको थियो। उनको परिवारका चार जनालाई कोरोना संक्रमण भएको छ।
'कोभिड-१९ को पुनः परीक्षणमा मेरो पुनः पोजेटिभ रिपोर्ट आएको छ। म अझै अस्पतालमा नै छु,' अभिनेता अभिषेक बच्चनले ट्विटरमा लेखेका छन्, 'मेरो र परिवारको स्वास्थ्य लाभको कामना गर्नुहुने सबैलाई फेरि पनि धन्यवाद। म यसको सधैँ ऋणी हुनेछ। मैले यो लडाईं जितेर पुनः स्वस्थ जीवनमा फर्कनेछु।'
ऐश्वर्या राय बच्चन र उनकी छोरी आराध्या बच्चन भने यसअघि नै संक्रमणमुक्त भएर डिस्चार्ज भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
