राेल्पा-जिल्ला प्रहरी कार्यालय रोल्पाले रुन्टिगढी गाउँपालिका-६ सालबाङमा कुटपिटबाट एक युवकको मृत्यु भएपछि १४ युवालाई पक्राउ गरेको छ।
पक्राउ पर्नेमा स्थानीय युवा भीमबहादुर बस्नेत, झुपलाल बुढा, प्रेमबहादुर बुढाथोकी, चेतलाल साहु, चन्द्रलाल रोका, दिलबहादुर रोका, टोपेन्द्र साहु, धनसिंह बुढाथोकी, कमल बस्नेत, प्रकाश बुढा, ठगेन्द्र बुढा, प्रेम बुढा, तिलबहादुर चलाउने र हीराबहादुर बुढाथोकी छन्।
कुटपिटबाट सोही ठाउँका २४ वर्षीय ईश्वर बस्नेतकाे मृत्यु भएकाे थियाे। छिमेकी गाउँका टेकबहादुर बुढालाई गोठबाट घर फर्कँदै गर्दा शनिबार राति लुटेको आरोपमा युवाहरुले कुटपिट गर्दा उनको मुत्यु भएको कार्यालयका प्रमुख प्रहरी नायब उपरीक्षक चित्रबहादुर गुरुङले जानकारी दिए।
बस्नेतले रु पाँच हजार र घडी लुटेको टेकबहादुर बुढाले जनाएका छन्। इलाका प्रहरी कार्यालय होलेरीका अनुसार बस्नेतकाे उपचार क्रममा शनिबार मृत्यु भएको थियो। घटनाबारे अनुसन्धान भइरहेको प्रहरीले जनाएको छ। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1782224905-1782225890.jpeg)
-1782199085-1782199787.jpeg)
-1764146706.png)
