काठमाडौं-पुस्तकालयसम्बन्धी चार वटा संस्थाले राष्ट्रिय पुस्तकालयको नयाँ भवन निर्माण रोक्नेसम्बन्धी निर्णय पुनर्विचार गर्न प्रधानमन्त्रीसमक्ष माग गरेका छन्।
नेपाल पुस्तकालय संघ, भक्तपुर पुस्तकालय संघ, नेपाल सामुदायिक पुस्तकालय संघ र त्रिवि पुस्तकालय तथा सूचना विज्ञान भूतपूर्व विद्यार्थी संघले प्रधानमन्त्रीसमक्ष संयुक्त रुपमा यस्तो माग गरेका हुन्। उनीहरुले पुस्तकालय भवन निर्माण कार्य अविलम्ब सुरुवातका लागि सुनिश्चितता गर्न पनि माग गरेका छन्।
गत साउन ५ गतेको मन्त्रिपरिषद् बैठकले जमलस्थित राष्ट्रिय पुस्तकालयको जग्गामा पुस्तकालय भवन निर्माणको प्रक्रिया अगाडि नबढाउने निर्णय गरेको थियो।
सरकारले अहिलेसम्म पुस्तक र पुस्तकालयसम्बन्धी कुनै ऐन, नियम नबनाएको अवस्थामा यस्तो निर्णय सार्वजनिक हुनुले सरकारको पुस्तकालयप्रतिको धारणामा आशंकासमेत पैदा गरेको उनीहरुको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
