नगरप्रमुखमाथि आक्रमण भएको विरोधमा भक्तपुरका ३ नगरपालिकाद्वारा सेवा ठप्प

विचार

नेपाल लाइभ आइतबार, वैशाख ९, २०७५ १३:१२

भक्तपुर– मध्यपुर थिमि नगरपालिकाका प्रमुख मदनसुन्दर श्रेष्ठमाथि भएको सांघातिक आक्रमणको विरोध गर्दै आज भक्तपुरका ३ वटा नगरपालिकाले काम ठप्प पारेका छन्।

मध्यपुर थिमि, सूर्यविनायक र चाँगुनारायण नगरपालिकाले विज्ञप्ति जारी गर्दै प्रमुख श्रेष्ठमाथि आक्रमण गर्ने व्यक्तिलाई पक्राउ गरी कडा कारबाही गर्न माग गर्दै आज दिनभर नगरपालिका र वडा कार्यालयको काम ठप्प पारेका हुन्।

मध्यपुर थिमि नगरपालिकाका प्रशासकीय अधिकृत कमल ज्ञवालीले ३ वटै नगरपालिकाले आक्रमणको विरोध गर्दै कामकाज ठप्प पार्ने निर्णयअनुसार आज दिनभर काम बन्द गरिएको बताए।

भक्तपुरका प्रमुख जिल्ला अधिकारी द्रोण पोखरेललाई ज्ञापन–पत्र बुझाउँदै आक्रमणकारीलाई कारबाही गर्न, नगरप्रमुख र नगरपालिकामा सुरक्षा व्यवस्था मिलाउन
समेत माग गरेको छ। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रसाईं र मिश्रबारे अदालतले भन्यो : थप प्रमाण संकलन गर्ने कार्य बाँकी नरहे तारेखमा छाड्नू

धनगढीलाई हराउँदै पोखरा एनएसएलको फाइनलमा प्रवेश

तीनकुने घटनामा मृत्यु भएकाको परिवारलाई जनही १० लाख उपलब्ध गराइने