अमेरिकामा कोरोना संक्रमणबाट मृत्यु हुनेको संख्या डेढ लाख नाघ्यो

कोरोना अपडेट

नेपाल लाइभ बिहीबार, साउन १५, २०७७ ०६:२६

एजेन्सी–कोरोना भाइरस संक्रणबाट विश्वमै सबैभन्दा बढी प्रभावित अमेरिकामा मृत्यु हुनेहरुको संख्या १ लाख ५० हजार नाघेको छ।

जोन्स हप्किन्स विश्वविद्यालयको पछिल्लो आँकडाअनुसार कोरोना संक्रमणबाट त्यहाँ १ लाख ५० हजार ४ सय ४७ जनाको मृत्यु भएको हो। अमेरिकामा संक्रमितको संख्या ४४ लाख १४ हजार ८ सय ३४ पुगेको छ।

फ्लोरिडा र क्यालिफोर्नियामा पनि संक्रमण दर तीब्र छ। क्यालिफोर्नियामा बुधबार १ सय ९७ जनाको मृत्यु भयो भने फ्लोरिडामा २ सय १६ जनाको मृत्यु भएको छ।

अमेरिकामा कोरोना संक्रमणबाट पहिलो मृत्यु फेब्रुअरीमा भएको थियो भने त्यसको ५४ दिनमा ५० हजार पुगेको थियो भने ३४ दिनपछि १ लाख नाघेको थियो। अर्को ५० हजार थपिएर डेढ लाख पुग्न ६३ दिन लागेको देखिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।