राखेप सदस्यसचिव पदमा सपथ ग्रहणपछि नवनियुक्त सदस्यसचिव रमेशकुमार सिलवाललाई बधाई तथा शुभकामना दिँदै खेलकुदमन्त्री जगतबहादुर विश्वकर्मा। काठमाडौं– राष्ट्रिय खेलकुद परिषद् (राखेप)का उपाध्यक्ष शिव कोइराला र सदस्यसचिव रमेशकुमार सिलवालले सपथ लिएका छन्। युवा तथा खेलकुदमन्त्री जगतबहादुर विश्वकर्माले बुधबार मन्त्रालयमा उपाध्यक्ष कोइराला र सिलवाललाई सपथ खुवाएका हुन्। मन्त्री विश्वकर्माले उपाध्यक्ष कोइराला र सदस्यसचिव सिलवाललाई नियुक्ती पत्र दिँदै सपथ गराएका थिए।
सपथग्रहणपछि सदस्यसचिव सिलवालले खेलकुदलाई पारदर्शी बनाउने बाचा गरे। उनले भने, 'यो चार वर्षको समयअवधिमा जिम्मेवारीपूर्वक कर्मनिष्ट भएर काम गर्नेछु। सुशासन र पारदर्शितापूर्वक खेलकुदको विकासमा म लाग्नेछु।'
त्यस्तै, युवा तथा खेलकुदमन्त्री विश्वकर्माले उपाध्यक्ष कोइराला र सदस्यसचिव सिलवाललाई बधाई दिँदै भने, ‘यो तपाईंहरूको मात्रै नयाँ कार्यकाल होइन। नयाँ ऐन आएसँगै मेरो पनि नयाँ कार्यकाल हो। हामी सबै मिलेर खेलकुदको विकास गर्नुपर्छ।’ नयाँ ऐन आएको कारण सुरुवाती दिनमा खेलकुद विकास ऐन बारे टिका टिप्पणी हुनु स्वभाविक भएको पनि खेलकुदमन्त्री विश्वकर्माले बताए।
राखेप उपाध्यक्ष पदमा शिव कोइराला र सदस्यसचिव पदमा रमेशकुमार सिलवाललाई सपथ खुवाउँदै खेलकुदमन्त्री जगतबहादुर विश्वकर्मा।सोमबार बसेको मन्त्रीपरिषदको बैठकले सिलवाललाई आगामी चार वर्षको लागि राखेप सदस्यसचिवमा नियुक्त गरेको थियो। सिफारिस समितिले सिलवालसँगै लिल बहादुर थापा मगर र अन्जु श्रेष्ठको नाम युवा तथा खेलकुद मन्त्रालय पठाएको थियो। युवा तथा खेलकुद मन्त्रालयका सचिव रामप्रसाद थपलियाको संयोजकत्वमा रिमबहादुर रानाभाट र इन्दिरा निरौला सदस्य रहेको सिफारिस समितिले आवेदन दिनेमध्येबाट एक महिलासहित तीन जनाको नाम मन्त्रालयमा पेश गरेको थियो।
आफ्नो कार्यकालमा १३औँ दक्षिण एसियाली खेलकुद आयोजना सफलतापूर्वक सम्पन्न गरेको जस लिएका सिलवाललाई मन्त्रीपरिषदको बैठकले सदस्यसचिवमा पुन नियुक्त गर्ने निर्णय गरेको थियो। ‘राष्ट्रिय खेलकुद विकास ऐन, २०७७’ लागू भएसँगै खालि रहेको सदस्यसचिव पदका लागि पहिलो पटक खुला आवेदनबाट राखेपको सदस्यसचिव छानिएको हो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
