अमेरिकामा एकै दिन १ हजार ५९२ काेराेना संक्रमितकाे मृत्यु

कोरोना अपडेट

नेपाल लाइभ बुधबार, साउन १४, २०७७ १३:३९

वासिङटन- अमेरिकामा कोरोना भाइरसको संक्रमणको कारण मंगलबार एकै दिनमा १ हजार ५९२ जनाको मृत्यु भएको जोन्स हप्किन्स् विश्वविद्यायले जानकारी दिएको छ। गत २४ घण्टामा कोरोना भाइरसका कारण भएको यो मानवीय क्षति गएको साढे दुई महिना यताको नै सबैभन्दा बढी भएको जनाइएको छ।

स्थानीय समयानुसार मंगलबार राति ८ः१० सम्म एकै दिनमा अमेरिकामा ६० हजार कोरोना भाइरसका नयाँ संक्रमित थपिएका बाल्टिमोर आवद्ध विश्वविद्यालयल जानकारी दिएको छ। अमेरिकामा ४४ लाख ९८ हजार ३४३ जनाको संक्रमित भएका छन् भने १ लाख ५२ हजार ३२० जनाको मृत्यु भइसककेको छ।

कोरोना भाइरसको कारण विश्वभरीमा एक करोड ६९ लाख १ हजार ४०७ जना संक्रमित भएका छन्। भाइरसको कारण विश्वभरीमा ६ लाख ६३ हजार ५५७ व्यक्तिको मृत्यु भइसकेको छ।
(रासस-एएफपी)