काठमाडौं- नेपाल विद्यार्थी संघले पोखरा विश्वविद्यालयमा पदधिकारी नियुक्त गर्न २४ घण्टे अल्टिमेटम दिएको छ। संघले माइतीघर मण्डलामा प्रर्दशन गर्दै शिक्षामन्त्रीलाई २४ घण्टे अल्टिमेटम दिएको हो।
असोजदेखि उपकुलपति रजिष्ट्रार र शिक्षाध्यक्ष नभएका कारण शैक्षिक क्रियाकलापमा प्रभाव पारेको निवर्तमान केन्द्रीय सदस्य नवराज त्रिपाठीले बताए। ‘पदधिकारीमात्र होइन‚ ३ वटा फ्याकल्टीकै डिन र परीक्षा नियन्त्रक पनि हुनुहुन्न,’ त्रिपाठीले भने, ‘नेतृत्व नभएका कारण विश्वविद्यालयमा अन्य शैक्षिक गतिविधी प्रभावित बनेको छ।’
त्रिपाठीका अनुसार विश्वविद्यालयलाई नेतृत्वविहीन बनाएको भन्दै पोखरा, काठमाडौं, बुटवल, चितवनलगायतका ठाउँमा नेवि संघले रिले अनसन गरिरहेको छ। गत असोजमा तत्कालीन पदधिकारी सकिएपछि बुद्धिराज जोशीलाई निमित्त उपकुलपति बनाइएको थियो।
तर जोशी कनिष्ठ भएको भन्दै ३ महिना निमित्त भएका उनलाई कार्यकक्ष प्रवेश गर्न दिइएन। अर्काे पटक फेरि इन्द्रराज तिवारीलाई निमित्त उपकुलपति बनाइएकोमा उनको पनि समयअवधी सकिएपछि पोखरा विश्वविद्यालय पदधिकारीविहीन बनेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
