बेइजिङ- सबैभन्दा पहिले नयाँ कोरोना भाइरस (कोभिड–१९) पत्ता लागेको चिनियाँ शहर वुहानमा विगत २४ घण्टामा पनि कोरोना भाइरस संक्रमित नभेटिएको प्रान्तीय स्वास्थ्य आयोगले शनिबार जानकारी गराएको छ।
वुहानमा शुक्रबारसम्म सङ्क्रमितको निकटमा रहेका चार व्यक्तिलाई सङ्क्रमित भएको हुनसक्ने भन्दै स्वास्थ्यकर्मीको निगरानीमा राखिएको छ। हुवेईमा बिहीबारसम्ममा सबै शङ्कास्पद बिरामीहरूको परीक्षणपछि उनीहरूलाई घर पठाइएको थियो। यद्यपि शुक्रबार भेटिएका बिरामी विदेशबाट आएका र उनीहरूमा कोभिड–१९ संक्रमण भएको हुनसक्ने स्वास्थ्यकर्मीले बताएका छन्।
त्यस्तै चिनियाँ मुख्यभूमिमा शुक्रबार पाँच व्यक्ति संक्रमण पुष्टि भएको छ। सङ्क्रमित सबैजना विदेशबाट चीन आएका अधिकारीहरूले बताएका छन्। चिनियाँ राष्ट्रिय स्वास्थ्य आयोगले शनिबार दिएको जानकारीअनुसार अहिलेसम्म विदेशबाट चीन भित्रिएका २ हजार ३४ जनामा कोभिड–१९ संक्रमण पुष्टि भएको छ।
थप सङ्क्रमितमध्ये दुई जना साङ्घाई नगरपालिकाका रहेका छन् भने दुई जना क्वाङडोङ प्रान्तमा विदेशबाट आएका व्यक्ति हुन्। यसैगरी एक व्यक्ति भित्री मङ्गोलिया स्वायत्त क्षेत्रका भएको आयोगले बताएको छ।
चीनमा पहिलो र पछिल्लो क्लस्टरमा गरी कूल ८३ हजार ७८४ जनामा सङ्क्रमण पुष्टि भएकोमा चार हजार ६३४ जनाको मृत्यु भएको छ। चीनमा सङ्क्रमितमध्ये ७८ हजार ८८९ व्यक्ति निको भई घर फर्किएका छन् भने अझै २६१ जनाको विभिन्न शहरहरूमा रहेका कोभिड–१९ विशेष अस्पतालमा उपचार भइरहेको छ। बिरामीमध्ये ६ जनामा जटिल स्वास्थ्य समस्या देखिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768362308.png)
-1768291693.png)
-1768309886.png)
-1764146706.png)
-1768288990.png)
