वीरगञ्ज-कोरोना संक्रमण समुदायस्तरमा फैलिएपछि स्थानीय प्रशासनले शनिबार बिहान ५ बजेदेखि वीरगञ्ज महानगरपालिका क्षेत्रभित्र अनिश्चितकालीन निषेधाज्ञा लागू गरेको छ।
वीरगञ्जस्थित नारायणी अस्पतालको प्रयोगशालामा बिहीबार राति पाँच जना थुनुवासहित ३२ जनामा कोरोना पोजेटिभ देखिएपछि स्थानीय प्रशासनले आज डाकेको सर्वपक्षीय बैठकबाट निस्केको निष्कर्षअनुसार शनिबार बिहान ५ बजेदेखि वीरगञ्ज महानगरपालिकाको ३२ वटै वडामा अनिश्चितकालीन निषेधाज्ञा लागू गरिएको पर्साका सहायक प्रमुख जिल्ला अधिकारी ललित बस्नेतले बताए।
पर्सामा थप ३२ जनामा कोरोना संक्रमण पुष्टि भएको छ भने शुक्रबारमात्र २ जनाकाे मृत्यु भइसकेकाे छ। नारायणी अस्पतालको प्रयोगशालामा गरिएको पिसीआर परीक्षणमा सात महिलासहित ३२ जनामा संक्रमण पुष्टि भएको नारायणी अस्पतालका मेसु डा मदन उपाध्याले बताए। उनका अनुसार संक्रमित हुनेमा नौ महिनाका बालकदेखि ६० वर्षकी वृद्धासमेत रहेका छन्।
वडा प्रहरी कार्यालय श्रीपुर वीरगञ्जको थुनुवा कक्षमा रहेका पाँच थुनुवा पनि संक्रमित भएको जिल्ला स्वास्थ्य कार्यालय पर्साका निरीक्षक जयमोद ठाकुरले जानकारी दिए। उनका अनुसार थपिएका ३२ संक्रमितमा पर्साका २६, बाराका १ र पाँच भारतीय छन् । यसअघि पनि १७ जनामा संक्रमण फेला परेको थियो ।
वीरगञ्ज क्षेत्रमा केही दिनअघिसम्म कोरोना पोजेटिभ घट्दै गएकामा बजार खुलेपछि मानिसको भीडभाड एक्कासी बढेको, मानिसबीच भौतिक दूरी कायम नरहेको र पसले तथा ग्राहकबीच सामाजिक दूरी कायम नभएको, मास्क प्रयोगकर्ता कम देखिएकाले यो रोग एक्कासी बढ्न गएको चिकित्सकको भनाइ छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1772777462.png)
