काठमाडौं- राष्ट्रिय ध्वजाबाहक नेपाल एयरलाइन्सले लकडाउनको सयमा नियमित उडान नगरेको १० देशका १८ गन्तव्यमा उडान गरेको छ। एयरलाइन्सले लकडाउनको समयमा १० वटा मेडिकल चार्टर्डसहित झन्डै १ सय वटा उद्धार तथा यात्रु चार्टर्ड उडान गरेको छ।
नेपाल एयरलाइन्सले चीनको ४ वटा गन्तव्य, अष्ट्रेलियाको ४, जापानको एक, बंगलादेशको एक, माल्दिभसको एक, बहराइनको एक, कुवेतको एक, साउदी अरबको ३, रिपब्लिको एक र मालीको एक नयाँ गन्तव्यमा उडान गरेको हो। नेपाल एयरलाइन्सले चीनको गौन्जाव, कुन्मिङ, बेइजिङ र चाङसामा ४ वटा उडान गरेको हो।
यसैगरी, अष्ट्रेलियाको सिडनी, ब्रिजबन, क्यानबेरिया र मेलवर्नमा पनि उडान गरेको छ। यी गन्तव्यमा नेपाल एयरलाइन्सले अहिलेसम्म नियमित उडान गरेको थिएन।
यसैगरी, नेपाल एयरलाइन्सले बंगलादेशको ढाका, बहराइनको मानामा र कुवेतको कुवेत सिटीमा पनि उडान गरेको थियो। यी गन्तव्यहरु पनि नेपाल एयरलाइन्सको लागि नयाँ गन्तव्य हुन्। नेपाल एयरलाइन्सले साउदी अरबको जेद्दा, रियाद र दमाममा पनि उडान गरेको छ। साथै नेपाल एयरलाइन्सले रिपब्लिकाको बन्जुई र मालीको मालीमा समेत उडान गरेको छ।
नेपाल एयरलाइन्सले यस बाहेक लकडाउनकै समयमा कतारको दाहो, भारतको दिल्ली, जापानको नारिता र हङकङमा समेत उडान गरेको छ। नेपाल एयरलाइन्ससँग अन्तर्राष्ट्रिय उडानका लागि ४ वटा विमान रहेका छन्। जसमा २ वटा ए३३० वाइडबडी र २ वटा ए३२० न्यारोबडी एयरबस रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
