तस्बिर : रासस
काठमाडौं- लगातारको वर्षाका कारण देशभरका विभिन्न राजमार्ग तथा सडक खण्डहरु अवरुद्ध छन्। सडक विभागका अनुसार अधिक वर्षाका कारण आएको बाढी र पहिराेले सडक भत्किएको र पुल बगाएका कारण आवागम रोकिएको छ।
सडक विभागले अत्यावश्यक काम बाहेक सडक प्रयोग गरेर यात्र नगर्न समेत आग्रह गरेको छ। पहिरोले अवरुद्ध पृथ्वी राजमार्गको जोगिमारा–माैवाखोला खण्ड र नारायणगढ–मुग्लिन सडकको कालीखोला सडकमा यातायात सञ्चालन गर्न अझै केही समय लाग्ने सडक विभागले जनाएको छ।
विभागका महानिर्देशक केशवकुमार शर्माले पृथ्वी राजमार्गको जोगिमारा–माैवाखोला खण्ड र नारायणगढ–मुग्लिन सडकको विकल्पमा त्रिभुवन राजपथ र बर्दिबास–सिन्धुली–बनेपा सडक प्रयोग गर्न आग्रह गरेका छन्। उनले पुल बगाएका र नदीले सडक कटान नै गरेका स्थानमा वर्षा र नदीको बहाव कम नभई सडक सञ्चालन गर्न नसकिने अवस्था रहेको पनि जनाएका हुन्।
त्यस्तै अन्य अवरुद्ध सडक खण्डको पनि वैकल्पिक मार्गहरु प्रयोग गरेर यात्रा गर्न विभागले सबैलाई आग्रह गरेको छ। विभागले अवरुद्ध सडक खुलाउन आवश्यक कदम चालिरहेको जनाएको छ।
यी हुन् बाढी र पहिरोका कारण अवरुद्ध सडक
-अरनिको राजमार्ग अन्तर्गतको शिरिसे खण्ड खुल्न २ दिन लाग्ने
-अरनिको राजमार्ग अन्तर्गतको जम्बु सडक खुल्न ६ दिन लाग्ने
-अरनिको राजमार्ग अन्तर्गतकै झ्याले खण्ड खुल्न १० दिन लाग्ने
-अरनिको राजमार्गको झ्याले पुल अवरुद्ध, बन्न १५ दिन लाग्ने
-अरनिको राजमार्ग अन्तर्गतको डाक्लांग खुल्न १५ दिन लाग्ने, पुल बनाउन पनि १५ दिन नै लाग्ने
-साँफेबगर मार्तडी सडक अम्कोट द्वारी क्षेत्र अवरुद्ध
-बेनी जोमसोम सडक म्याग्दीको दान र गलेश्वर क्षेत्र अवरुद्ध
-एसआरएन चन्द्रनिगाहपुर गौर सडक खुल्न वर्षामा निर्भर रहने
-कान्ति लोकपथ चार ठाउँमा अवरुद्ध, खुल्न वर्षासँग निर्भर रहने
-बेसीँसहर चामे सडकको घोप्टे खोला रामबजार, च्याम्चे खण्ड अवरुद्ध
-बाँके धन्सार अवरुद्ध सडक खुल्न वर्षामा निर्भर रहने
-नारायणगढ मुग्लिन सडक खण्डको चारकिलो डाडाँ क्षेत्रमा अवरुद्ध
-मलेखु मुग्लिन सडक खण्डको जोगीमारा अवरुद्ध
-मलेखु धादिङबेसी सडक खण्डको परेवाटारमा अवरुद्ध
-डुम्रेबेसी सडक अवरुद्ध
-बेसीसहर चामे सडकको पुवा खोला सडक अवरुद्ध, खोलाको बाहव घटेपछि खुल्ने
-बेसीसहर चामे सडकको घोप्टेभिर रामबजार, स्यांगे, घट्टेखोला, मार्दी खण्ड अवरुद्ध
-पृथ्वी राजमार्ग मौवाखोला पुल बगाएको
-आँबुखैरेनी गोरखा सडक खण्ड अवरुद्ध, मंगलबार खुल्ने सम्भावना
-डुम्रे बन्दीपुर सडक अवरुद्ध
-महाकाली राजमार्ग सतबाँझ दार्चुला सडक अवरुद्ध, खुल्न वर्षामा निर्भर
-आर्यझञ्ज्याङ रामपुर सडक खण्ड, मंगलबार साँझ ७ बजेसम्म खुल्ने
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
