काठमाडौं- सरकारले चैत ११ गतेदेखि बन्द गरेको हवाई सेवा भदौ १ गतेबाट सुरु गर्ने निर्णय गरेको छ। सरकारको निर्णयसँगै नेपाल नागरिक उड्डयन प्राधिकरणले उडान सञ्चालन गर्ने विषयमा मंगलबारबाटै छलफल गर्ने भएको छ।
प्राधिकणले विमानस्थलका कर्मचारीलगायत हवाई सेवा प्रदायसँग छलफल गरेर निश्चित सेक्टरबाट आन्तरिक तथा अन्तर्राष्ट्रिय उडान गर्ने तयारी गरेको छ। प्राधिकरण महानिर्देशक राजन पोखरेलका अनुसार सुरुवाती चरणमा २५ प्रतिशतसम्मको उडान हुने सक्छ। ‘प्राधिकरणले कुन–कुन सेक्टरमा कति उडान गर्ने भन्ने विषयमा केही दिन भित्रै सूचना जारी गर्छ,’ पोखरेलले भने, ‘उडान सुरु गर्दा एकै पटकमा नेपालबाट उडान भइरहेका सबै अन्तर्राष्ट्रिय गन्तव्यमा उडान हुन सक्दैन। प्राथमिकताको सेक्टरमा न्यूनतम संख्यामा सुरक्षा सम्बन्धित सबै निर्देशिका पालन गर्दै उडान सुरु हुन्छ।’
उडान गर्दा स्वास्थ्यसम्बन्धी नेपाल नागरिक उड्डयन प्राधिकरणले जारी गरेको कोभिड–१९ सम्बन्धित वायुसेवा, विमानस्थल, हवाईसँग सम्बन्धित तथा अन्य सेवा सञ्चालन मार्ग निर्देशन अनुसार हुने महानिर्देशक पोखरेल बताउँछन्। नेपाल नागरिक उड्डयन प्राधिकरणसँग विमानस्थलको स्तयरी कार्यविधि र वायुसेवा कम्पनीले जारी गरेको सुरक्षासम्बन्धी निर्देशिका पूर्णरुपमा पालन हुने गरी आन्तरित तथा अन्तर्राष्ट्रिय उडान पहिलो २५ प्रतिशतको हाराहारीबाट सुरु हुने पोखरेलले नेपाल लाइभसँग बताए।
‘विमानस्थल प्रवेशदेखि यात्रु तथा क्रु मेम्बर नबाहिरिदासम्म आवश्यक र जारी सबै स्वास्थ्य सूचक पालना गर्दै उडान हुने उनको भनाइ छ। कुन सेक्टरामा कति उडान हुने भन्ने विषय भने अबको केही दिनमा सार्वजनिक हुने पोखरेल बताउँछन्। ‘आन्तरिकमात्र नभई अन्तर्राष्ट्रिय उडान पनि एकै चोटी सबै खुल्दैन,’ पोखरेलले भने, ‘न्यूनतम उडान गर्ने हो। सामाजिक दूरीसमेत पालना हुने गरी प्राथिक सेक्टरमा तोकिएको संख्याबाट उडान सुरु हुन्छ।’
कोरोना संक्रमण अगाडिसम्म नेपालमा दैनिक ८० वटा अन्तर्राष्ट्रिय उडान तथा अवतरण र आन्तरिकतर्फ ३ सयको हाराहारीमा उडान तथा अवतरण हुँदै आएको थियो। यही उडान संख्याको आधारमा पहिलो चरणमा २५ प्रतिशतसम्म उडान हुने सक्ने पोखरेले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771566457.png)
-1764146706.png)
