काठमाडौं– तारे होटममा काम गर्ने मजदुरले डिसेम्बर ३१ सम्म होटल नै बन्द भएपनि १० हजार रुपैयाँसम्म तलब पाउने भएका छन्। यसबारे होटल संघ नेपाल र कर्मचारी ट्रेड युनियनबीच दुई पक्षीय सम्झौता भएको छ। सम्झौतामा पर्यटकीय होटलदेखि पाँच तारे डिलक्स होटलमा काम गर्ने मदजुरले पाउने तलब उल्लेख गरिएको छ।
होटल संघ नेपाल र पर्यटन तथा होटल क्षेत्रमा क्रियाशील केन्द्रीय ट्रेड युनियन संघहरुबीच आइतबार सामूहिक सम्झाैता भएको छ। सम्झौतामा होटल संघ नेपालको तर्फबाट अध्यक्ष सृजना राणा, द युनियनका आधिकारिक प्रतिनिधि (अध्यक्ष)हरु र पदाधिकारीहरुबीच सम्झौता पत्रमा हस्ताक्षर भएको हाे।
कोभिङ १९ को विश्वव्यापी महामारीका कारण सरकारद्वारा गरिएको बाध्यात्मक बन्दाबन्दीबाट होटल व्यवसाय पूर्णरूपमा ठप्प भई व्यवसाय धरासायी हुन गएकोले त्यस्ता होटलहरुमा कार्यरत श्रमिक तथा कर्मचारीहरुको पारिश्रमिक भुक्तानीसम्बन्धी विषयको समस्या समाधान र व्यवस्थापनमा दुई पक्षीय सम्झौता भएको हो।
कोभिड–१९ को महामारीको कारणले नेपाल सरकारले चैत्र ११ देखि पूर्णरूपमा बन्दाबन्दी गरेको, अन्तर्राष्ट्रिय रूपमा बढ्न गएको महामारीले होटल व्यवसाय पूर्णरूपमा बन्द हुन गएको र निकट भविष्यमा पनि संचालन हुन नसक्ने अवस्था देखिएको छ। बन्दाबन्दीले होटल व्यवसाय पूर्णरूपमा बन्द रहेका कारण होटल संघ नेपालका सदस्य होटलहरूको आम्दानी शुन्य हुन गई आर्थिक रूपमा धरासायी भएकाे अवस्थामा सदस्य होटलले आफ्ना कामदार कर्मचारीको व्यवस्थापनका लागि श्रम ऐन बमोजिम सेवा सुविधा उपलब्ध गराउन कठिन भएको जनाएपछि श्रम ऐन तथा नियममा व्यवस्था गरेको तलब भत्ता सुविधाको सट्टा होटल संघ नेपाल र पर्यटन तथा होटल क्षेत्रमा क्रियाशील मुख्य तीन वटा केन्द्रीय ट्रेड युनियन संघका बीच सम्झौता भएको हो।
उनीहरु बीच २०२० अप्रिलदेखि १३ डिसेम्बर ३१ सम्मका लागि कर्मचारी तथा श्रमिकलाई होटलले भुक्तानी गर्नुपर्ने कूल आधारभूत रकम देहाय बमोजिम तय गरी सो बमोजिम लिने दिने गर्न दुवै पक्ष सहमत भएका संघका वरिष्ठ उपाध्यक्ष विनायक शाहले जानकारी दिए।
कुन स्तरको होटलमा काम गर्नेले कति पाउने?
– डिलक्स पाँचतारे (दुई सय भन्दा माथि कोठा भएको) होटल तथा सोहि स्तरको रिसोर्टमा कार्यरत प्रत्येक श्रमिक तथा कर्मचारीहरूलाई मासिक दश हजार रुपैयाँ पाउने।
– दुई सय कोठाभन्दा कम भएको पाँचतारे होटल तथा सोहि स्तरका रिसोर्टमा कार्यरत प्रत्येक श्रमिक तथा कर्मचारीहरूलाई मासिक ९ हजार रुपैयाँ पाउने।
– सय कोठाभन्दा बढी भएको चार तारे होटल तथा सोहि स्तरका रिसोर्टमा कार्यरत प्रत्येक श्रमिक तथा कर्मचारीहरूलाई मासिक ८ हजार ४ सय ५५ रुपैयाँ।
– सय कोठाभन्दा कम भएको चार तारे होटल तथा सोहि स्तरका रिसोर्टमा कार्यरत प्रत्येक श्रमिक तथा कर्मचारीहरूले मासिक ८ हजार रुपैयाँ पाउने।
– तीन तारे तथा सोहि स्तरका रिसोर्टमा कार्यरत प्रत्येक श्रमिक तथा कर्मचारीहरूले मासिक ५ हजार रुपैयाँ पाउने।
– दुई तारे तथा सोहि स्तरका रिसोर्टमा कार्यरत प्रत्येक श्रमिक तथा कर्मचारीहरूले मासिक ४ हजार ३ सय रुपैयाँ पाउने।
– एक तारे र पर्यटक स्तरीयको होटल तथा रिसोटहरूले आपसी समझदारीमा तलब पाउने।
दुई पक्षीय सम्झौतामा २०२० अप्रिल १३ देखि डिसेम्बर ३१ सम्ममाथि उल्लेखित रकम बाहेक अन्य सुविधा
होटल सञ्चालन गर्नको लागि आवश्यकता बमोजिम व्यवस्थापनले चक्रियप्रणाली अनुसार आलोपालो गरी काममा लगाइएका श्रमिक कर्मचारीहरुलाई साविक अनुसार पारिश्रमिक भुक्तान गर्ने सहमति भएको छ। नबोलाइएको र नलगाएको काम, कर्मचारीहरुलाई यसै सम्झौतामा उल्लेख गरिए बमोजिमको रकम पाउने छन्।
बन्दाबन्दीको अवस्था रहेसम्म प्रत्येक महिना २ दिन र बन्दाबन्दी खुलेपछि प्रत्येक ३० दिन काममा नबाेलाएमा ४ दिनका दरले यो सम्झौताको अवधिभरी हुन आउने सञ्चित बिदाबाट कट्टा गर्ने विषयमा समते सहमति भएको छ। सम्झौता अवधिभित्र स्वेच्छिक अवकाश लिन चाहने, आफ्नो स्वेच्छाले राजीनामा दिई सेवाबाट अलग हुन चाहने र उमेरको हदको कारण अवकाश पाउने वा अन्य अवस्थामा श्रमिक, कर्मचारीको सेवा अन्त्य हुँदा बन्दाबन्दी अगाडि खाइपाई आएको सुविधा दिई सेवा अन्त्य गर्न समेत पाइने सम्झौतामा उल्लेख छ।
कुनै श्रमिक वा कर्मचारीले उल्लेखित सम्झौता अवधिभर रकम प्राप्त गरी सम्झौता अवधि समाप्त भएपछि एक महिना अगावै सुचना नदिई तुरुन्तै कामबाट अलग हुन चाहेमा यो सम्झौता अनुसार निजले बझिलिएको रकम प्रतिष्ठानबाट पाउने उपदान वा अन्य कुनै शीर्षकको रकमबाट कट्टी नहुने समेत सम्झौतामा उल्लेख छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
