आर्थिक वर्षको पहिलो कारोबार ३२.४२ अंकले सुधार, सस्ता कम्पनी उठाउँदै लगानीकर्ता

बैंक/बिमा/सेयर

नेपाल लाइभ बिहीबार, साउन १, २०७७ १५:२१

काठमाडौं- चालु आर्थिक वर्ष २०७७/७८ को पहिलो दिन शेयर बजार ३२.४२ अंकले सुधार भएको छ। नेप्से सूचक २.३८ प्रतिशतले सुधार भएर १३९४.७७ अंकमा रोकिएको हो। कारोबार सुरु भएदेखि नै सुधार देखिएको थियो।

बजार सुधार हुने संकेत देखिएसँगै लगानीकर्ताको ध्यान सस्ता कम्पनीमा पर्न थालेको छ। सस्त लघुवित्त फाइनान्स म्युचुअल फण्ड तथा बैंकको शेयरमा अधिक आकर्षण देखिएसँगै ती कम्पनीको शेयर मूल्य पनि दिन दिनै बढ्न थालेको हो।

बिहीबार सम्पुर्ण सूचक तथा उपसूचक हरियो देखिँदा १११ वटा कम्पनीको शेयर मूल्यमा सुधार आएको छ भने ३९ वटाको मूल्यमा गिरावट आएको छ। १४ वटाको मूल्यमा भने खासै परिवर्तन देखिएन। वाणिज्य बैंकको सूचक ४० अंकले सुधार भएको छ।

गएका दिनमा माइक्रोफाइनान्स र बीमा कम्पनीमा मात्रै उछाल देखिएकोमा बिहीबारदेखि वाणिज्य बैंकहरुको शेयर मूल्यमा पनि उल्लेख्य सुधार आएको हो।

बैंकहरुले नयाँ आर्थिक वर्ष सुरु भएसँगै शेयर कर्जा प्रवाह गर्न सक्नेछन्। कोभिड १९ ले समग्र अर्थतन्त्र नै शिथिल बनाउँदा लगानीका ढोकाहरु बन्द छन्। नयाँ लगानी नहुँदा बैंकहरुले निक्षेप तथा कर्जाको ब्याजदर पनि घटाउँदै आएका छन्।

चालु आर्थिक वर्षको मौद्रिक नीतिमा पनि सेयर कर्जाको सीमा बढाउन सुझाव आइरहेको छ। यस विषयमा गभर्नर पनि सकारात्मक देखिएको हुँदा बजार सुधार भइरहेको हो। यसका साथै अन्य क्षेत्रमा लगानी गरिरहेका लगानीकर्ता काम नपाएर सेयर बजारमा लगानी गर्न खोजिरहेका छन्। यसले पनि बजार सुधारका लागि केही टेवा पुर्‍याउनेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यु-१९ महिला विश्वकपमा नेपाल, उद्घाटन खेलमा बंगलादेशको सामना गर्दै

पूर्वप्रधानमन्त्री खनालको ‘क्षितिजबाट घाम’ सार्वजनिक

भारतको तमिलनाडुमा साँढे जुधाई क्रममा सात जनाको मृत्यु, ४०० घाइते