काठमाडौं–मेलम्ची खानेपानी आयोजनाको गेट फुट्दा बेपत्ता भएकाहरुको खोजी गर्न खटिएको टोली नै दुर्घटनामा परेको छ।
उद्धार टोलीको डुंगा पल्टिएको हो। टोलीमा रहेका सात जनामध्ये पाँच जनाको उद्धार गरिसकिएको जिल्ला प्रहरी कार्यालयका प्रहरी नायब उपरीक्षक माधवप्रसाद काफ्लेले जानकारी दिए। इलाका प्रहरी कार्यालयका प्रहरी निरीक्षक फलबहादुर तामाङले अरु दुइ जनाको उद्धार भइरहेको र उनीहरु सकुशल रहेको बताए।
उद्धार टोलीमा रहेका रामजी भण्डारी घाईते भएपछि उपचारका लागि मेलम्ची स्वास्थ्य केन्द्रमा लगिएको तामाङले जानकारी दिए। आज बिहान सशस्त्र र नेपाली सेनाका सात जनाको उद्धार टोलीले बेपत्ताहरुको खोजी सुरु गरेको थियो। मेलम्ची ११ को पूलबाट एक सय मिटर अगाडि दुर्घटना भएको प्रहरीले जनाएको छ। डुंगामा सवार सात जना पौडिएर निस्किएको र डुंगा बाहुनेपाटीमा फेला परेको जिल्ला प्रहरी कार्यालयले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751267101.jpg)
-1751273553.jpg)
-1749826086.png)
