काठमाडौं- यात्रुवाहक सार्वजनिक सवारी सञ्चालन गर्न विषयमा यातायात व्यवस्था विभाग, नेपाल यातायात व्यवसायी राष्ट्रिय महासंघ र तीनवटा मजदुर संघबीच बुधरबार दोस्रो चरणको छलफल भएको छ। यातायात व्यवसायीहरुले विभिन्न माग राखेर सरकारले असार २६ गतेदेखि यात्रुवाहक सार्वजनिक सवारी चलाउने निर्णय मान्न नसकिने बताएका थिए।
गत आइतबार भौतिक पूर्वाधार तथा यातायातमन्त्री बसन्तकुमार नेम्वाङ र यातायात व्यवसायी तथा मजदुरका प्रतिनिधिबीच छलफल भएको थियो। सोही छलफलअनुसार बुधबार यातायात व्यवस्था विभागमा पुनः छलफल भएको थियो। उक्त छलफलमा कोभिड १९ प्रकोपको अवधिभर सार्वजनिक यातायात सञ्चालन निर्देशिका २०७७ मा जिम्मेवार सरोकारवाला व्यक्ति/संस्थाले गर्नुपर्ने जिम्मेवारी/कार्यविवरण तय गरिएको छ।
यस्तो छ जिम्मेवारी र कार्य विवरण
१. जनचेतना अभिवृद्धि : यात्रु वर्ग वा सेवामा संलग्न कर्मचारीहरुको लागि कोभिड १९ प्रकोपको जोखिमसम्बन्धी आधारभुत ज्ञान तथा जोखिम न्यूनीकरणका उपायसम्बन्धी जनचेतना अभिवृद्धि गर्ने, मास्क लगाउने, हात स्यानिटाइजर वा साबुन पानीले हात धुने, जताततै नछुने/नथुक्ने, सामाजिक दूरीसम्बन्धी, भाडा तिर्नका लागि गरिएको व्यवस्था, बस बिसौनीमा पर्खने र ओर्लने तरिका निश्चित गरिने।
२. सवारी साधनको निर्मलीकरण (डिस्इन्फेक्सन)
३. यात्रु सिटहरुको सरसफाए तथा निर्मालीकरणः यात्रुले एकपटक सवारी साधन प्रयोग गरेपनि सिट सरसफाइ
४. यात्रु–यात्रुबीचको सामाजिक दूरी कायम गर्नका लागि यात्रुबाहक सवारी साधनको क्षमता अनुसार अधिकतम् यात्रु संख्या निर्धाण गर्ने र लेआउट सोही अनुरुप बनाउने
५. यातायात सञ्चालनको समय तालिकाः सवारी साधनहरुको सञ्चालन पूर्व सिट निर्धारण र समय तालिका तयार गरि बस स्टपहरुमा राख्ने
६. यातायात सेवामा कार्यरत कर्मचारीको स्वास्थ्यको नियमित स्वास्थ्य परीक्षणः प्रत्येक खेप सुरु हुने बेलामा वा दिनमा कम्तिमा दुईपटक निजको शरीरको तापक्रम मापन गर्नका लागि प्रत्यक बसमा थर्मल गनको व्यवस्था गर्ने
७. यात्रुहरुको लागि स्यानिटाइजर उपलब्ध गराउनेः सह–चालक वा यातायात सेवाका अन्य कर्मचारीले सवारीमा प्रवेश गर्ने बेलामा दुईवटै हातमा स्यानिटाइजर लगाएर सफा गर्ने व्यवस्था मिलाउने
८. भाडा असुलीका लागि बैकल्पिक उपायको अवलम्बन गर्नेः सकभर भाडा भुक्तानीको लागि मोबाइल बेस्ड स्क्यान एन्ड पे वा कन्ट्याक्टलेस कार्ड, अनलाइन तथा इलेक्ट्रिोनिक भुक्तानी, भाडा भुक्तानीको लागि यात्रुहरुले टिकट काउन्टरबाट एकपटक वा धेरै पटक वा कुनै अवधिको लागि मान्य हुने टिकट किन्न सक्ने व्यवस्था गर्ने, सकभर भाडा असुलीमा प्रत्यक्ष नगदको प्रयोग नगर्ने
९. सवारी साधन भित्र हावाको सहन बाहव कायम गर्नका लागि भेन्टिलेसनको व्यवस्था गर्ने वा सबै झ्यालहरु खुल्ला राख्ने वा उपयुक्त खालको एक्जस्ट फ्यान जडान गर्ने
१०. सवारी साधन भित्र फोहर फाल्न छोप्न मिल्ने खालको डस्टबिन राख्ने र प्रत्यक खेप पछि त्यसको सफाइ गर्ने
११. चलक कक्ष र यात्रु कक्षलाई उपयुक्त खालको प्लाइ बोर्ड वा ग्लास वा फाइबर बोर्ड वा बाक्लो खालको प्लास्टिक सिट द्वारा छुट्याउने
१२. सवारी साधन भित्र कोभिड १९ सम्बन्धी सावधानीका सन्देशतथा सतर्कता सम्बन्धी जनचेतना मूलक सामाग्री तयार गरि टास्ने
१३. सवारी चालक, सहचालक वा व्यवस्थापकको स्वास्थ्यमा संकास्पद कोभिड १९ को लक्षण देखिएमा सम्बन्धीत निकायमा सूचना दिने र स्वास्थ्य परीक्षणको व्यवस्था मिलाउने
१४. सवारी चालक वा सहचालकको बिमाको व्यवस्था गर्ने
१५. सवारी चालक र सहचालकको लागि मास्क, ग्लोब, भाइजर र स्यानेटाइजर उपलब्ध गराउने
१६. बस टर्मिनल÷बस बिसौनीमा साबुन पानी/स्यानिटाइजर राख्ने र कोभिड १९ सम्बन्धी जनचेतना मूलक सामाग्री राख्ने
१७. अनुगमनमा खरिटे ट्राफिक प्रहरी वा कर्मचारीलाई मास्क/स्यानिटाइजर/ग्लोब/भाइजर उपलब्ध गराउने
१८. कुनै यात्रुमा कोभिड १९ को संकास्पद लक्षण देखिएमा सम्बन्धीत निकायमा खबर गर्ने व्यवस्था गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787673555.png)
-1787673999.jpeg)
-1786602170.png)
-1786513116.png)
