माउन्टेन इनर्जी हाइड्रोपावरले साउन ८ देखि प्रभावित क्षेत्रका लागि आइपिओ निष्काशन गर्ने

बैंक/बिमा/सेयर

नेपाल लाइभ बुधबार, असार ३१, २०७७ १०:३४

प्रतीकात्मक तस्बिर

काठमाडौं- माउन्टेन इनर्जी नेपालले साउन ८ गतेदेखि आयोजना प्रभावित क्षेत्रका लागि प्राथमिक सेयर निष्काशन गर्ने भएको छ। कम्पनीले १९ लाख ६८ हजार २७ कित्ता प्राथमिक सेयर नुवाकोट र म्याग्दी जिल्लाका प्रभावित क्षेत्रका बासिन्दालाई बिक्री गर्ने छ।

कम्पनीले साउन २२ गतेसम्म प्रभावितका लागि निष्काशन गर्नेछ। यदि, मागअनुसार आवेदन नपरेमा ढिलोमा भदौ ५ गतेसम्म निष्काशन गर्न सक्ने बताइएकाे छ। स्थानीयले न्यूनतम १० कित्तादेखि अधिकतम २० हजार कित्तासम्मको लागि आवदेन दिन सक्ने छन्। प्रभावित क्षेत्रमा रहेका बैंक तथा वित्तीय संस्थाबाट आइपिओको लागि आवदेन दिन सकिने बिक्री प्रबन्धक नविल इन्भेष्टमेन्टले जनाएको छ।

प्रभावित क्षेत्रमा निष्काशन गरिसकेपछि कम्पनीले सर्वसाधारणको लागि निष्काशन गर्ने अनुमति पाइसकेको छ। यदि, प्रभावित क्षेत्रमा नबिकेमा कम्पनीले उक्त सेयर सर्वसाधारणको लागि निष्काशन गर्न सक्ने छ।

केयर रेटिङ नेपालले गरेको रेटिङअनुसार कम्पनीले ‘केयर एनपी आपिओ ग्रेड चार’ प्राप्त गरेको छ। यसले कम्पनीमा गरिएको लागि आंशिक सुरक्षित रहेको संकेत प्रदान गर्छ। कम्पनीले सन् २०१३ देखि ५ मेगावाट क्षमताको टाडी खोला हाइड्रोइलेक्ट्रिसिटी प्रोजेक्टबाट व्यवसायिक उत्पादन गर्दै आएको छ। कम्पनीले आइपिओको पैसा ४२ मेगावाट क्षमताको आयोजनाको लागि प्रयोग गर्ने छ। यो आयोजना पनि व्यावसायिक उत्पादनको चरणमा छ।

प्रभावित क्षेत्र :

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यु-१९ महिला विश्वकपमा नेपाल, उद्घाटन खेलमा बंगलादेशको सामना गर्दै

पूर्वप्रधानमन्त्री खनालको ‘क्षितिजबाट घाम’ सार्वजनिक

भारतको तमिलनाडुमा साँढे जुधाई क्रममा सात जनाको मृत्यु, ४०० घाइते