काठमाडौं-कोरोनाका कारण समस्यामा परेका नेपालीको उद्धारका लागि आज त्रिभुवन विमानस्थलबाट ६ वटा अन्तर्राष्ट्रिय उडान तथा अवतरण हुने भएका छन्। नेपाल एयरलाइन्स तथा हिमालयन एयरलाइन्सका उडान तथा अवतरण हुने भएका हुन्।
जसअनुसार नेपाल एयरलाइन्सको विमान आज बिहान सवा ६ बजे दुबई प्रस्थान गरेको छ भने उक्त जहाज अपरान्ह ४.४० बजे काठमाडौं आइपुग्नेछ। यस्तै, नेपाल एयरलाइन्सको विमान बिहान ७.५५ बजे बहराइनबाट आइपुगेको छ भने जापानको नारिता विमानस्थलबाट दिउँसो साढे २ बजे आइपुग्नेछ।
यस्तै, आज बिहान ७.३० बजे मनिलाबाट आएकाे हिमालय एयरलाइन्सको विमान अवतरण गरेकाे छ भने ७.५० बजे दमामबाट आएको छ। उक्त एयरलाइन्सकाे अर्काे उडानअन्तर्गत मध्यान्ह सवा १२ बजे मलेसियाको क्वालालम्पुरबाट आइपुग्नेछ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।