काँकडभिट्टा- वैदेशिक रोजगारबाट घर फर्किएकी झापाको बिर्तामोड–२ की ३० वर्षीया धनमाया बस्नेतलाई परिवारले घर निकाला गरेको छ।
१५ महिनाअघि वैदेशिक रोजगारका क्रममा खाडी मुलुक जोर्डन गएकी बस्नेत गर्भवती भएर घर फर्किएपछि उनको परिवारले अस्वीकार गरेको हो। उनलाई श्रीमान् किरण बस्नेतसहित परिवारका सदस्यले नै वैदेशिक रोजगारका लागि जोर्डन पठाएका थिए। जोर्डन जानका लागि बस्नेतलाई साउदी अरबमा रहेका श्रीमान्को सहयोग थियो।
दुई वर्षकी छोरी छाडेर रोजगारीको सिलसिलामा जोर्डन पुगेकी बस्नेतलाई सँगै काम गर्ने भारतीय नागरिकले बलात्कार गरेका थिए। उनी काठमाडौँको एसिसी मेनपावर कम्पनीमार्फत जोर्डन गएकी थिइन्। जोर्डनको एउटा गलैँचा उद्योगमा काम गर्नेक्रममा ८ महिना अघि यस्तो घटना भएको उनको भनाइ छ।
'साथीसँग समूहमा थिएँ। हाम्रो पछिपछि आउँदै रहेछ, थाहा भएन,' उनले सुनाइन्, 'म सबैभन्दा पछाडि थिएँ। उसले मेरो अनुहारमा रुमालले छोपेको याद छ। अरु मलाई केही थाहा छैन। होसमा आउँदा सडकमा थिएँ।'
परिवारलाई यस्तो घटना सुनाउँदा पीडा हुन्छ भनेर श्रीमान्लाई समेत घटनाबारे जानकारी नदिएको उनको भनाइ छ। बलात्कारपछि उनी गर्भवती बनेपछि जोर्डनस्थित उद्योगले घर फर्काइदिएको हो। हाल उनी ८ महिनाकी गर्भवती छिन्।
सात दिनअघि मात्र घर फर्किएकी बस्नेतलाई श्रीमान्ले गर्भवती भएको थाहा पाएपछि कचनकवल–२ स्थित माइतीको जिम्मा लगाएका छन्।
बस्नेतका दुई छोरी र एक छोरा छन्। १५ वर्षकै उमेरमा बिर्तामोड नगरपालिका–२ का बस्नेतसँग उनको मागी विवाह भएको हो। बुधबार बुबा र स्थानीय महिलासहित आफ्नो जीविकोपार्जनको व्यवस्था मिलाइदिनका लागि श्रीमान् भेट्न आएकी धनमायालाई परिवारले स्वीकार्न तयार भएन। श्रीमान्ले धनमायासँगको आफ्नो सम्बन्ध सकिएको बताउँदै कुनै सहयोग गर्न नसक्ने बताएका छन्।
आफूलाई समयमै साँचो कुरा नबताएका कारण यस्तो अवस्था आएको किरणको भनाइ छ। धनमायाका बुबा उदयबहादुर कार्की छोरीलाई ज्वाइँको परिवारले नै विदेश पठाएकाले यस्तो अवस्था सिर्जना भएको हुँदा जीविकोपार्जनका लागि व्यवस्था गर्नुपर्ने बताए। 'छोरीको बसोबासको व्यवस्था ज्वाइँले नै गर्नुपर्छ,' कार्कीले भने।रासस
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
