लमजुङ- लमजुङ- मनाङ जोड्ने बेसीशहर चामे सडक पहिरोले अवरुद्ध भएको छ। गएरातिदेखिको अविरल वर्षाले जिल्लाको उत्तरी भेग मर्स्याङ्दी गाउँपालिकास्थित स्याँगे र मनाङस्थित नासों गाउँपालिकाको तालमा पर्ने सडक माथिबाट शनिबार बिहान पहिरो खस्दा सडक अवरुद्ध भएको हो।
सडकखण्डअन्तर्गत स्याँगे र तालमा गरी दुई स्थानमा सडक अवरुद्ध भएको सडक डिभिजन कार्यालय तनहुँका सबइञ्जिनियर सुमन अधिकारीले बताए।
उनले सडक खुलाउन दुवै स्थानमा एक्साभेक्टर लैजाने तयारीमा रहेको बताएका छन्। बेसीशहर चामे ६५ किलोमिटर सडकमध्ये लमजुङतर्फ ३५ र मनाङतर्फ ३० किलोमिटर पर्दछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
