काठमाडौं- काठमाडौं महानगरपालिकाले सगरमाथा आरोहणमा जान लागेका महिला पत्रकारको समूहलाई रु २५ लाख सहयोग गरेको छ।
महानगर प्रमुख विद्यासुन्दर शाक्यले आरोहणको सफलताको कामनासहित नगद रकम हस्तान्तरण गरे। पत्रकारको सगरमाथा आरोहण सफलतापछि महानगरको सार्वजनिक कार्यक्रममा योगदान पुग्ने विश्वास उनले व्यक्त गरे।
सोही कार्यक्रममा महानगरका प्रमुख प्रशासकीय अधिकृत यादवप्रसाद कोइरालाले आफैंँसँग भएको क्षमताको प्रयोगबाट पर्यटकीय सम्भावना खोज्न सकिने बताए।
आरोहण टोली प्रमुख रोजित बुद्धाचार्य (नेपाल टेलिभिजन) ले फर्किएपछि हिमाल, पहाड र तराईको सम्बन्ध जोड्ने पर्यटन प्रवर्द्धनमा सक्रिय रहने बताइन्।
आरोही अन्य महिलामा मेघा टेलिभिजनकी कल्पना महर्जन, राष्ट्रिय समाचार समितिकी रोशा बस्नेत, न्युज ट्वान्टी फोरकी प्रियालक्ष्मी कार्की र स्वतन्त्र पत्रकार देउराली चाम्लिङ राई छन्। आरोहण टोली बुधबार लुक्लातर्फ प्रस्थान गर्नेछ।
आरोहणका क्रममा महानगरको खड्गांकित झन्डा आधार शिविरमा गाडिनेछ भने सानो झन्डा र नक्सा चुचुरामा पुर्याइनेछ।
‘समानताका लागि बुलन्द आवाज’ नारा लिएर सगरमाथा चढ्न लागेका उनीहरुको आरोहण व्यवस्थापन ड्रिमर्स डेस्टिनेसन ट्रेक एन्ड एकस्पिडिसनले गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775612045.png)
-1764146706.png)
