लकडाउनमा ३ लाख मेट्रिक टन खाद्यान्न आयात, तरकारी र फलफूल आयात पनि उस्तै

कोरोना अपडेट

नेपाल लाइभ शुक्रबार, जेठ ३०, २०७७ १०:१७

काठमाडौं- कोरोना भाइरस संक्रमण न्यूनीकरण र जोखिम रोकथामका लागि लकडाउन गरेको अवधिमा नेपालमा विभिन्न देशबाट २ लाख ९१ हजार मेट्रिक टन खाद्यान्न आयात भएको छ। भन्सार विभागका अनुसार भारतसहितका विभिन्न देशबाट यो परिमाणमा खाद्यान्न आयात भएको हो।

चैत ११ गतेदेखि जेठ २९ गतेसम्ममा ९६ हजार २५ मेट्रिक टन तरकारी आयात भएको छ। यसैगरी यो अवधिमा ३९ हजार ९० मेट्रिक टन फलफूल आयात भएको छ।

नेपालमा चैतको ११ गतेदेखि लागू गरिएको लकडाउन जेठ ३२ गतेसम्मका लागि कायम गरिएको छ।

विभागले दिएको जानकारीअनुसार दलहन वस्तु ७४ हजार २ सय ३३ मेट्रिक टन आयात भएको छ। नेपालमा ब्राजिलबाट यस्ता वस्तु आइपुग्छन्।

विभागले उपलब्ध गराएको तथ्यांकअनुसार ११ हजार ४ सय मेट्रिक टन दूधजन्य वस्तुको आयात भएको छ।

लकडाउनको अवधिमा नेपालमा १ खर्ब २५ अर्ब ६८ करोड रूपैयाँको वस्तु आयात भएको विभागले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

फिल्म ‘हेल्लो काँशीराम’ गीत ‘झ्यामी मादल झ्याम’सार्वजनिक, दिलीप र प्रियंकाले गरे वेलकम [भिडियोसहित]

जनताको कुरा उठाउँदा वास्ता नगर्ने हो भने सरकारबाट बाहिरिन्छौँ : गगन थापा

अब आउने बजेट युवामैत्री हुनेछ : शंकर पोखरेल