काठमाडाैं- क्वारेन्टाइनका लागि दिइने होटल क्षेत्रका समुदायसँग सरकारले आवश्यक समन्वय गरिदिन होटल एसोसिएन अफ नेपाल(हान)ले काठमाडौंका प्रमुख जिल्ला अधिकारी जनकराज दाहाललाई आग्रह गर्दै पत्र बुझाएका छन्।
गत शुक्रबारमात्रै काठमाडौं जिल्ला प्रशासन कार्यलयले काठमाडौंका ४५ हाेटल क्वारेन्टाइन बनाउने भन्दै सूची सार्वजनिक गरेका थिए। त्यसकाे समर्थन गर्दै व्यवसायीले स्थानीय तहबाट अवराेध हुनसक्ने भन्दै समन्वयकाे लागि आग्रह गरेका हुन्।
विदेशबाट आउने नेपालीलाई राख्न होटलहरू लिने निर्णय सरकारले गरेपनि आसपासका समुदायले भने विरोध गर्न थालेका छन्। उपत्यकाभित्रका ५४ वटा होटलकाे सूची दाहाललाई बुझाउँदै हानले सम्बन्धित क्षेत्रका वडाअध्यक्षसहित जनप्रनिधिहरूसँग छलफल गरिदिन आग्रह गरेका हुन्।
कति लाग्छ रकम
चारतारे होटलको एक बेड भएको रुमका लागि ८ हजार र दुई बेड भएको रुमका लागि प्रति बेड ५ हजार ५०० रुपैयाँ तोकेका छन्। यसैगरी तीनतारे होटलमा एक्लै बस्न चाहनेका लागि ६ हजार र २ जना बस्न चाहेनका लागि प्रतिव्यक्ति ३ हजार ५०० निर्धारण भएको हानले जनाएको छ।
यसैगरी दुईतारे होटलमा एक्लै बस्न चाहेका लागि ५ हजार र दुई जनाको लागि प्रतिव्यक्ति २ हजार ५०० रुपैयाँ तय भएको छ। यसमा चार पटकसम्मको खाना र खाजा पनि समावेश हुनेछ।
एकतारेका हकमा भने एक्लै बस्न चाहेनेका लागि ४ हजार र दुई जना बस्दा प्रतिव्यक्ति २ हजार ५०० रुपैयाँ छ। साथै पर्यटकीय स्तरका होटलहरूको हकमा एक्लैको लागि ३ हजार र दुई जनाको लागि प्रतिव्यक्ति २ हजार रुपैयाँ निर्धारण गरिएको भएको छ। यो मूल्यमा कर समेत जाडिएको हानले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
