काठमाडौं- लकडाउनका कारण हवाई उडान बन्द भए पनि आन्तरिक उडान गर्दै आएका बुद्ध एयरले भाडा घटाएको छ। नेपाल आयल निगमले हवाई इन्धनमा प्रतिलिटर १० रुपैयाँ घटाएसँगै बुद्ध एयरले हवाई भाडा घटाउँदै उडानको तयारी गरेको छ।
बुद्ध एयरले सबैभन्दा बढी धनगढीको भाडा १ हजार ५ रुपैयाँ र सबैभन्दा कम सिमरा गन्तव्यको भाडा २ सय २५ रुपैयाँ घटाएको हो।
योसँगै बुद्ध एयरले लकडाउनपछि उडानका लागि व्यापक तयारी गरिरहेको जनाएको छ। लकडाउनमा केही जहाज उडेता पनि तिनीहरुको नियमित मर्मतसम्भार तथा परीक्षणहरु भइरहेको बुद्ध एयरको भनाइ छ।
एयरलाइन्सले कोभिड–१९को संक्रमणबाट सुरक्षित रहनका लागि नागरिक उड्डयन प्राधिकरणले दिएको गाइडलाइनअनुसार ‘सुरक्षा निर्देशिका’ पनि ल्याइसकेको छ।
सुरक्षा निर्देशिकामा यात्रु, कर्मचारी, जहाजहरुको विशेष सरसफाई, र्याम्प बस, कार्गो, ट्रली, विभिन्न काउण्टर तथा कार्यस्थललाई कसरी सुरक्षित राख्ने विस्तृतमा उल्लेख रहेको छ।
सुरक्षा निर्देशिकाअनुसार आफ्ना कर्मचारीहरुलाई आउने सातादेखि तालिम प्रदान गर्ने एयरले विज्ञप्तिमार्फत जनाएको छ। त्यसैगरी आउने साताको अन्त्यसम्म सोहीअनुसार अभ्यास गर्ने पनि जनाएको छ। यस अभ्यासले यात्रु तथा कर्मचारीको सुरक्षामा विशेष भूमिका खेल्ने विज्ञप्तिमा जनाइएको छ।
कुन गन्तव्यका लागि कति घट्यो भाडा
माउण्टेन फ्लाइट – ८६०
काठमाडौं– भरतपुर– २७०
काठमाडौं – पोखरा – ३९५
काठमाडौं – विराटनगर–६००
काठमाडौं – जनकपुर– ३२०
काठमाडौं – सिमरा –२२५
काठमाडौं – भैरहवा –५१५
काठमाडौं – धनगढी–११०५
काठमाडौं – नेपालगञ्ज –८१५
काठमाडौं – भद्रपुर– ७५०
काठमाडौं – तुम्लिङटार –४६५
विराटनगर – तुम्लिङटार –२७०
पोखरा माउण्टेन फ्लाइट–७८५
पोखरा – भरतपुर–२८०
पोखरा – भैरहवा –३२५
काठमाडौं – राजविराज –५१०
काठमाडौं – सुर्खेत –८६५
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
