एनआईसी एसिया बैंकमा अनलाइनमार्फत खाता खोल्न सकिने

बैंक/बिमा/सेयर

नेपाल लाइभ बिहीबार, जेठ २२, २०७७ १२:५९

काठमाडौं- कोरोना भाइरसको संक्रमणलाई कम गर्न नेपाल सरकारले लकडाउन जारी गरिरहेका बेला एनआईसी एसिया बैंकले घरमै बसी अनलाइन खाता खोल्न सकिने गरी ग्राहकमैत्री सुविधाको व्यवस्था गरेको छ।

विषम परिस्थितिमा समेत अनलाइन खाता खोल्ने ग्राहकको संख्यामा उल्लेख्य बृद्धि भइरहेको भन्दै बैंकले प्रक्रियामा थप सुधार गरी छोटो समयमै खाता खोल्न सक्ने सुविधा ल्याएको हो।

इमेल, नाम, मोबाइल नम्बर, जन्ममिति, शाखा जस्ता विवरण भरिसकेपछि ग्राहकले दोस्रो चरण पूरा गर्नका लागि बैंकबाट इमेल प्राप्त गर्ने छन्। दोस्रो चरणमा ठेगाना, परिचय, परिवार लगायतका विवरण ग्राहकले भर्नुपर्ने हुन्छ। त्यसपछि ग्राहकले आफ्नो डकुमेन्ट समेत सहज रुपमा अपलोड गर्न सक्ने छन्। साथै, विवरण भर्ने क्रममा सही विवरण भर्न समेत आवेदकलाई त्यहाँबाट सुझाव प्राप्त हुनेछ।

विदेशमा भएकाले समेत आफ्नो सम्पर्क विवरणसहित खाता खोल्नका लागि इमेलमार्फत अनुरोध गर्न सक्ने छन्। यो प्रक्रिया प्रयोगकर्ताले तत्काल खाता नम्बर प्राप्त गर्ने छन् तर बैंकले सम्पूर्ण विवरण चेक गरेर मात्र त्यसलाई मान्यता दिनेछ। तसर्थ, अब ग्राहकले खाता खोल्नको लागि चाहिने सम्पूर्ण विवरण तथा फोटो आफ्नो साथैमा राखी बैंकको वेबसाइटमा गई अनलाईन खाताको निवेदन भर्न सुरु गरेमा ५ मिनेटमै सम्पूर्ण प्रक्रिया पूरा गर्न सकिनेछ।

यसरी अनलाइन खाता खोल्ने ग्राहकले लकडाउन अवधिसम्म मोबाइल बैंकिङमार्फत पहिलो कारोबार गर्दा ५०० रुपैयाँसम्म नगद फिर्ता प्राप्त गर्ने छन्। यसैगरी यस लकडाउनको अवधिमा ग्राहकले घरमै बसी आफूलाई चाहिने खाद्य सामग्री बैंकको मोबाइल बैंकिङ वा डेबिट/क्रेडिट कार्ड जस्ता भुक्तानी माध्यम प्रयोग गरी विभिन्न अनलाइन स्टोरहरुबाट खरिद गर्दा १०% वा ५०० रुपैयाँसम्मको नगद फिर्ता प्राप्त गर्न सक्ने छन्।

अनलाइन खाता खोली मोबाइल बैंकिङ वा बैंकको कार्डहरु मार्फत भुक्तानी गर्दा ग्राहकले देशभरका २,५०० वटाभन्दा बढी अस्पताल, होटल तथा रेष्टुरेन्ट, डिपार्टमेन्ट स्टोर लगायतमा सेवा लिई कारोबार रकमको ३० प्रतिशतसम्म छुट प्राप्त गर्न सक्ने छन्। साथै डायमण्ड श्रेणीको खाता खोलेर न्यूनतम रकम जम्मा भए पश्चात खाता खोल्ने ग्राहकले २१ लाखसम्मको बीमा सुविधा पनि प्रदान गरिने बैंकले जनाएको छ।

सो बीमा सेवा वापत लाग्ने बीमा शुल्क बैंक आफैंले भुक्तानी गर्नेछ। यी विभिन्न सुविधाहरुको विस्तृत जानकारी बैंकको वेबसाइटबाट पनि प्राप्त गर्न सकिन्छ।

विपतको अवस्थामा बैंकले सातवटै प्रदेशमा ‘ग्राहक सहायता केन्द्र’ स्थापना गरी २४ सैं घण्टा आवश्यक बैंकिङ सेवा तथा सुविधा प्रदान गरिरहेको छ। ‘कोरोनासँगको लडाइँ, बैंकिङ गरौं घरबाट एक पाइला नबढाई’ भन्ने नाराका साथ अन्तर बैंक रकम स्थानान्तरण, बिजुली महसुल, खानेपानी महसुल, हवाइ टिकट, ईन्टरनेट सेवा, बीमा तथा टेलिफोन शुल्क लगायतका भुक्तानीहरू मोबाइल तथा इन्टरनेट बैंकिङजस्ता विद्युतीय माध्यमबाट ग्राहकले घरबाटै निःशुल्क रूपमा तिर्न सक्ने व्यवस्था समेत बैंकले गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यू–१९ महिला विश्वकप : टस हार्दै नेपालले पायो ब्याटिङको निम्तो

करको बक्यौता उठाउन घरघरमा पत्र

मधेश सरकारले आज बलिदानी दिवस मनाउँदै