उपत्यकाका तीन जिल्लामा लकडाउन खुकुलो पार्न छलफल

समाचार

नेपाल लाइभ बिहीबार, जेठ २२, २०७७ ११:४०

फाइल फोटो

काठमाडौं– काठमाडौं उपत्यकामा व्यापारीहरुले लकडाउन उल्लंघन गर्दै स्वतस्फुर्त पसलहरु सञ्चालन गर्न थालेपछि उपत्यकाका प्रमुख जिल्ला अधिकारीहरु बैठकमा बसेका छन्।

काठमाडौं जिल्ला समन्वय समितिको हलमा व्यापारी प्रतिनिधि समेतको सहभागीतामा तीनै जिल्लाका सिडिओहरुको बैठक सुरु भएको छ। ललितपुरका प्रमुख जिल्ला अधिकारी नारायणप्रसाद भट्टका अनुसार बैठकमा उपत्यकामा कसरी लकडाउनलाई व्यवस्थित बनाउने र खुकुलो पार्ने विषयमा छलफल हुने र केही निर्णय गर्ने सक्ने छ।

छलफलमा काठमाडौंका सिडिओ जनकराज दाहाल र भक्तपुरकी सिडिओ हुमकला पाण्डेको सहभागी रहेको छ। मंगलबार जोरपाटीबाट सुरु भएको व्यापारीहरुको आन्दोलन बुधबार मैतिदेवी हुँदै न्युरोडसम्म पुगेको थियो।

बिहीबार न्युरोड लगायत विभिन्न व्यापरिक स्थलमा स्वतस्फुर्त रुपमा पसलहरु खुलेका थिए।

स्थानीयस्तरमै लकडाउनको अवज्ञा हुन थालेपछि थप रणनीति बनाउन दबाब परेपछि उपत्यकामा सिडिओहरु भेला भएका हुन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मानव बेचबिखन गर्न लागेको आरोपमा एक जना पक्राउ

लामिछानेसहित १० जनाविरूद्ध चितवन जिल्ला अदालतबाट पक्राउ पुर्जी जारी

सिन्धुलीमा १८९ किलो गाँजासहित एक जना पक्राउ