वैधानिक बाटोबाट नेपाल प्रवेश गर्न दूतावासको आग्रह

कोरोना अपडेट

नेपाल लाइभ बुधबार, जेठ २१, २०७७ १६:०५

काठमाडौं– भारतस्थित नेपाली दूतावासले सरकारले खुला गरेका नाकाबाट मात्रै नेपाल प्रवेश गर्न भारतमा रहेका नेपाली नागरिकलाई आग्रह गरेको छ।
बाध्यात्मक कारणले स्वदेश फर्कनैपर्ने स्थितिमा रहेकालाई सहजीकरण गरी स्वदेश फर्काउन नाका खुला गरिएको जानकारी गराइएको छ।

सीमा नाकाबाट नेपाल प्रवेश गरेपश्चात होल्डिङ सेन्टरमा राखिने दूतावासले जनाएको छ। होल्डिङ सेन्टरमा आवश्यक प्रक्रिया पूरा गरिसकेपछि निश्चित समयसम्म क्वारेन्टाइनमा रहनुपर्ने अवगत समेत गराइएको छ।

संक्रमणकोे अवस्थामा सामाजिक दूरी कायम गर्न र सम्भव भएसम्म लामो दूरीको यात्रा नगर्न दूतावासले सुझाएको छ।

भारतबाट स्थलमार्ग हुँदै स्वदेश फर्कन खुला गरिएका २० प्रवेश बिन्दुहरू:
पशुपतिनगर (इलाम), काकडभिट्टा (झापा), रानी (मोरङ), कुनौली (सप्तरी), ठाडी (सिराहा), माडर (सिराहा), भिट्टामोड (महोत्तरी), मलंगवा (सर्लाही), गौर (रौतहट), वीरगञ्ज (पर्सा), महेशपुर (नवलपरासी पश्चिम), वेलहिया (रुपन्देही), तौलिहवा (कपिलवस्तु), कृष्णनगर (कपिलवस्तु), जमुनाह (बाँके), सुरजपुर, गुलरिया (बर्दिया), गौरिफन्टा (कैलाली), गड्डाचौकी (कञ्चनपुर), झुलाघाट (वैतडी) र दार्चुला (दार्चुला)।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रवि लामिछानेलाई ५४ लाख धरौटीमा छाड्न चितवन जिल्ला अदालतको आदेश

सुनिल पौडेलविरुद्ध घुस लिएको आरोपमा अर्को भ्रष्टाचार मुद्दा

पेट्रोलियम पदार्थ अन्वेषणलाई तीव्रता दिन सांसदको माग