कृषि क्षेत्रमा ४१ अर्ब ४० करोड बजेट विनियोजन, दूध, तरकारी र मासुमा आगामी आर्थिक वर्षभित्रै आत्मनिर्भर हुने लक्ष्य

कृषि

कृषि क्षेत्रमा ४१ अर्ब ४० करोड बजेट विनियोजन, दूध, तरकारी र मासुमा आगामी आर्थिक वर्षभित्रै आत्मनिर्भर हुने लक्ष्यरासायनिक मलमा अनुदान ११ अर्ब पुर्‍याइयो

नेपाल लाइभ बिहीबार, जेठ १५, २०७७ १६:५७

काठमाडौं- सरकारले आर्थिक वर्ष २०७७/७८ का लागि कृषि क्षेत्रमा ४१ अर्ब ४० करोड रुपैयाँ बराबरको बजेट विनियोजन गरेको छ। अर्थमन्त्री डा युवराज खतिवडाले बिहीबार संघीय संसदको संयुक्त सभामा सो बजेट पेश गरेका हुन्।

कोरोना भाइरसबाट लाग्ने कोभिड १९ रोग का कारण मुलुकको अर्थतन्त्रका सबैजसो क्षेत्र प्रभावित हुने अवस्थामा सरकारले कृषि क्षेत्रलाई प्राथमिकतामा राखेर अगाडि बढाउने कुरा आगामी आर्थिक वर्षको नीति तथा कार्यक्रममा सार्वजनिक गरिसकेको छ।

सरकारले आगामी आर्थिक वर्षका लागि रासायनिक मलमा दिइने अनुदान रकममा वृद्धि गरी ११ अर्ब रुपैयाँ विनियोजन भएको छ। प्रांगारिक मलको प्रयोगबाट उत्पादन भएको बालीलाई सरकार आफैंले ब्राण्डिङ गरी बजार पठाउने योजना ल्याएको छ।

दूध, तरकारी र मासुको उत्पादनमा आत्मनिर्भर हुने सरकारले लक्ष्य लिएको छ। कृषिमा श्रम परिचालन, यान्त्रीकरण र बजारीकरणसँगै सिचाईं, मल, बिउमा सहुलियत दिने योजना सरकारको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आयात प्रतिस्थापन तथा निर्यात प्रर्वद्धनका लागि सरकारले ठोस कदम चाल्नुपर्छ : अध्यक्ष ढकाल

गृहका १२ सहसचिव र उपसचिवको सरुवा, काठमाडौंसहित ७ जिल्लाका सीडीओ हेरफेर

प्रधानमन्त्री कप महिला क्रिकेटको खेल तालिका सार्वजनिक