काठमाडौँ- विश्व स्वास्थ्य संगठनले तोकेको न्यूनतम मापदण्डसमेत नपुगेको र जंगलको एकान्त स्थानको विद्यालयमा कोरोना संक्रमितलाई राखिएको भन्दै दैलेखको आठबिस नगरपालिका उपमेयरले गम्भीर असन्तुष्टि व्यक्त गरेकी छन्।
कर्णालीकै पहिलो संक्रमित व्यक्तिलाई कुनै पनि मापदण्ड पूरा नभएको एकान्त जंगलका बीचमा कोरोना संक्रमितलाई राखिएको भन्दै उपमेयर दीपा बोहराले असन्तुष्टि व्यक्त गरेकी हुन्।
संक्रमित व्यक्तिलाई कुनै पनि भेदभाव नगरी उपचार गर्न गराउनसमेत उनले माग गरेकी छन्। संक्रमित व्यक्तिको उपचार गर्न प्रदेश सरकार उदासीन भएको भन्दै उनले विरोधसमेत गरेकी छन्।
उपचारको क्रममा संघीय सरकार र प्रदेश सरकारको समन्वयनमा तोकिएका अस्पतालहरु,कर्णाली स्वास्थ्य विज्ञान प्रतिस्ठान ,प्रदेश अस्पताल कलागाउँ,सुर्खेत र मिसन अस्पताल चौरजहारीमा नलगेको भन्दै उनको असन्तुष्टि छ। महाविपत्तिको समयमा प्रदेश सरकारले खेलेको भूमिका आपत्तिजनक भन्दै उनले आफ्नो नगरपालिकाको नागरिकलाई उपचारबाट बन्चित गराएको आरोप उनले लगाएकी छन्।
दैलेखका आठबीस नगरपालिका– १ सात्तलाका ३५ वर्षीय युवकमा कोरोना संक्रमणको पुष्टि जेठ ६ गते भएको थियो। सात्तलास्थित लक्ष्मी माध्यामिक विद्यालयमा बनाइएको क्वारेन्टाइमा बसेका ती युवकमा कोरोना संक्रमण पुष्टि भएको थियो। उक्त क्वारेन्टाइनमा उनीसँग अरु ३९ जना बस्दै आएका थिए।
भेरी अस्पताल नेपालगन्जस्थित प्रयोगशालामा गरिएको पीसीआर परीक्षणमा कोरोना संक्रमणको पुष्टि भएको थियो। कर्णाली प्रदेश राजधानी वीरेन्द्रनगरस्थित प्रादेशिक जनस्वास्थ्य प्रयोगशालामा गरिएको परीक्षणमा कोरोना पोजिटिभ देखिए पनि पुन परीक्षणका लागि नेपालगन्जस्थित प्रयोगशालामा नमुना पठाइएको थियो।
सुर्खेतमा कोरोना भाइरसको पीसीआर परीक्षण गर्दा आशंका देखिएपछि थप परीक्षणका लागि नेपालगन्ज पठाइको थियो। भारतको आगराबाट फर्किएका संक्रमित युवा जेठ १ गते गाउँ पुगेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
