काठमाडौं- विश्वभरमा कोरोना संक्रमित हुने संख्या ५० लाखभन्दा बढी पुगेको छ। जोन्स होप्किन्स विश्वविद्यालयले हालसम्म अद्यावधिक गरेको तथ्यांकअनुसार विश्वभरम कोरोना संक्रमितको संख्या ५० लाख १ हजार ४ सय ९४ पुगेको छ। यो नेपाली समयअनुसार बिहीबार दिउँसो २ बजेर ६ मिनेट जाँदासम्मको तथ्याकं हो।
विश्ववर कोरोना संक्रमित भएकामध्ये १९ लाख भन्दा बढी संक्रमणमुक्त भएका छन्। हालसम्म १९ लाख १ हजार ७९ जना निको भएको विश्वविद्यालयको तथ्यांक छ। यसैगरी हालसम्म ३ लाख २८ हजार २ सय २७ जनाको मृत्यु पनि भएको छ।
हालसम्म सबैभन्दा अमेरिकामा संक्रमित भेटिएका छन्। सबैभन्दा बढी मृतकको संख्या पनि अमेरिकामा नै छ। अमेरिकामा १५ लाख ५१ हजार भन्दा बढी मानिस कोरोना संक्रमित भएका छन् भने यो देशमा यसका कारण मृत्यु हुनेको संख्या ९३ हजारभन्दा बढी छ।
यसपछि सबैभन्दा बढी संक्रमित रुसमा देखिएका छन्। रुसका संक्रमितको संख्या ३ लाख ८ हजार ७ सय ५ छ भने मृतकको संख्या २ हजार ७ सय ७२ पुगेको छ। अमेरिकापछि बेलायतमा कोरोना भाइरसका कारण बढी मानिसको मृत्यु भएको छ। बेलायतमा ३५ हजार ७ सय ८६ जनाको मृत्यु भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791090469.jpeg)
