राराबाट देशबासीका नाममा प्रधानमन्त्रीको सम्बोधन बिहान ८ बजे

विचार

नेपाल लाइभ शनिबार, वैशाख १, २०७५ ०१:३०

मुगु– नयाँ वर्षका अवसरमा प्रधानमन्त्री केपी शर्मा ओलीले मुगुको राराबाट शनिबार बिहान देशबासीका नाममा सन्देश दिने भएका छन्।

‘कर्णाली–रारा पर्यटन वर्ष २०७५’ को उद्घाटनका लागि शुक्रबार नै मुगुको रारा पुगेका प्रधानमन्त्री ओलीले नयाँ वर्षको दिन शनिबार बिहान ८ बजे राराबाट देशबासीका नाममा सम्बोधन गर्ने कार्यक्रम छ।

कर्णाली प्रदेश सरकारको आयोजनामा सुरु हुन लागेको पर्यटन वर्षको आज एक विशेष कार्यक्रमका बीच प्रधानमन्त्रीले ओलीले उद्घाटन गर्दैछन्।

प्रधानमन्त्री ओलीसँगै रक्षामन्त्री ईश्वर पोखरेल, पर्यटन तथा नागरिक उड्डयन मन्त्री रविन्द्र अधिकारी, पूर्वसभामुख सुवास नेम्वाङ, कर्णाली प्रदेशका मुख्यमन्त्री महेन्द्रबहादुर शाही, सभामुख राजबहादुर शाही, प्रदेशका सबै मन्त्री र सांसदहरु रारा पुगेका छन्। विशिष्ट अतिथिहरु रारा पुगिसकेको जानकारी दिँदै पर्यटन वर्ष घोषणा कार्यक्रमको सम्पूर्ण तयारी पूरा भएको प्रदेश सरकारका उद्योग, पर्यटन, वन तथा वातावरण मन्त्री नन्दसिंह बुढाले जनाए।

प्रधानमन्त्री ओलीले शुक्रबार रारामा बसेको कर्णाली प्रदेश सरकारको बैठकमा समेत सहभागिता जनाएका थिए। प्रधानमन्त्रीको प्रमुख आतिथ्यमा प्रदेश सरकारको मन्त्रिपरिषद् बैठक बसेको हो। बैठकपश्चात् प्रदेशका मागहरुलाई मुख्यमन्त्री महेन्द्र बहादुरशाहीले प्रधानमन्त्रीसमक्ष राखेका थिए।

प्रधानमन्त्रीको भ्रमण कार्यतालिका
देशबासीका नाममा सम्बोधन लगत्तै प्रधानमन्त्रीले हुम्लाको हिल्सा नाका अवलोकन गर्ने कार्यक्रम छ। हिल्साबाट उनी पुनः ११ बजे रारा फर्किनेछन्। रारामा प्रधानमन्त्रीले बोटिङ समेत गर्ने कार्यतालिका छ।

दिउँसो १२ बजे पर्यटन वर्ष उद्घाटन सकेर २ बजे प्रधानमन्त्री जुम्ला प्रस्थान गर्नेछन्। जुम्लामा कर्णाली स्वास्थ्य विज्ञान प्रतिष्ठानको सिनेट बैठक बस्दैछ। जसको अध्यक्षता प्रधामन्त्रीले गर्नेछन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सीटीईभीटीमा प्रवेश परीक्षा नहुने, जीपीएको आधारमा नै विद्यार्थी छनोट

चितवनको पुँजीगत खर्च ४४ प्रतिशत मात्र

सुदूरपश्चिम प्रदेश सभाको बैठक जेठ ११ गते बस्दै