काठमाडौं- भारतमा ६२ हजार ८ सय ८ जनामा कोरोना संक्रमण पुष्टि भएको छ। जोन हप्किन्स विश्वविद्यालयले प्रकाशित गरेको आइतबार बिहानसम्मको तथ्यांक अनुसार बढी संक्रमण हुने देशहरुको सूचीमा भारत १४औं स्थानमा छ।
भारतभन्दा अघि क्रमशः पेरु, क्यानडा, चीन, इरान, टर्की, ब्राजिल, जर्मनी, फ्रान्स, रुस, बेलायत, इटाली, स्पेन तथा अमेरिका छन्।
भारतमा २ हजार १ सय १ को मृत्यु भइसकेको छ। सबैभन्दा बढी मृत्यु हुनेको सूचीमा भारत १६औं स्थानमा छ।
भारतमा १९ हजार ३ सय १ जना संक्रमणमुक्त भइसकेका छन्।
विश्वभर कोरोना : ४० लाख २० हजार संक्रमित, २ लाख ७९ हजारको मृत्यु
विश्वभर कोरोना संक्रमितको संख्या ४० लाख २० हजार ८ सय ७८ पुगेको छ। जोन हप्किन्स विश्वविद्यालयले प्रकाशित गरेको आइतबार बिहानसम्मको तथ्यांक अनुसार संक्रमितको संख्या अमेरिकामा सर्वाधिक छ। त्यहाँ १३ लाख ९ हजार १ सय ६४ जना संक्रमित भइसकेका छन्।
त्यस्तै, स्पेनमा २ लाख २३ हजार ५ सय ७८, इटालीमा २ लाख १८ हजार २ सय ७८, बेलायतमा २ लाख १६ हजार ५ सय २५, रुसमा १ लाख ९८ हजार ६ सय ७६, फ्रान्समा १ लाख ७६ हजार ७ सय ८२ र जर्मनीमा १ लाख ७१ हजार ३ सय २४ जनालाई संक्रमण पुष्टि भएको छ।
विश्वभर २ लाख ७९ हजार ७ जनाको मृत्यु भइसकेको छ। मृत्यु हुनेको संख्या पनि अमेरिकामा सर्वाधिक छ। त्यहाँ ७८ हजार ७ सय ४६ जनाको मृत्यु भइसकेको छ। त्यस्तै बेलायतमा ३१ हजार ६ सय ६२, इटालीमा ३० हजार ३ सय ९५, स्पेनमा २६ हजार ४ सय ७८, फ्रान्समा २६ हजार ३ सय १३, ब्राजिलमा १० हजार ६ सय २७ जनाको मृत्यु भइसकेको छ।
विश्वभर १३ लाख ६९ हजार ५ सय ५३ जना संक्रमणमुक्त भइसकेका छन्। संक्रमणमुक्त हुनेको संख्या पनि अमेरिकामा नै बढी छ। त्यहाँ २ लाख १२ हजार ५ सय ३४, जर्मनीमा १ लाख ४३ हजार ३ सय, स्पेनमा १ लाख ३३ हजार ९ सय ५२, इटालीमा १ लाख ३ हजार ३१ संक्रमणमुक्त भइसकेका छन्।
नेपालमा १ सय ९ जना संक्रमित भइसकेका छन्। तीमध्ये ३१ जना संक्रमणमुक्त भइसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
