काठमाडौं- भारतमा पछिल्ला दिनमा कोरोना संक्रमणको दर तीव्र हुँदै गएको छ। शनिबार बिहानसम्म त्यहाँ झन्डै ६० हजारमा कोरोना संक्रमण पुष्टि भइसकेको छ।
जोन हप्किन्स विश्वविद्यालयले प्रकाशित गरेको शनिबार बिहानसम्मको तथ्यांक अनुसार, भारतमा ५९ हजार ६ सय ९३ जनामा संक्रमण पुष्टि भइसकेको छ।
कोरोना संक्रमित उच्च हुने सूचीमा भारत १४औं स्थानमा छ। सूचीको पहिलो स्थानमा अमेरिका छ। त्यसपछि क्रमशः स्पेन, इटाली, बेलायत, रुस, फ्रान्स, जर्मनी, ब्राजिल, टर्की, इरान, चीन, क्यानडा, पेरु र भारत छन्। इरानदेखि माथि सबै देशमा संक्रमितको संख्या लाखमा छन्।
भारतमा १ हजार ९ सय ८५ जनाको मृत्यु भइसकेको छ। मृत्यु हुनेको संख्याका आधारमा यो १६औं स्थान हो। भारतभन्दा अघि क्रमशः मेक्सिको, स्विडेन, टर्की, चीन, क्यानडा, नेदरल्यान्ड्स, इरान, जर्मनी, बेल्जियम, ब्राजिल, फ्रान्स, स्पेन, बेलायत र अमेरिका छन्।
विश्वभर कोरोना : ३९ लाख ३५ हजार संक्रमित, २ लाख ७४ हजारको मृत्यु
विश्वभर कोरोना संक्रमितको संख्या ३९ लाख ३५ हजार ७ सय ६४ पुगेको छ। संक्रमितको संख्या अमेरिकामा सर्वाधिक छ। त्यहाँ १२ लाख ८३ हजार ८ सय २९ जनालाई कोरोना संक्रमण पुष्टि भइसकेको छ।
जोन हप्किन्स विश्वविद्यालयले प्रकाशित गरेको शनिबार बिहानसम्मको तथ्यांक अनुसार स्पेनमा २ लाख २२ हजार ८ सय ३५, इटालीमा २ लाख १७ हजार १ सय ८५, बेलायतमा २ लाख १२ हजार ६ सय २९, रुसमा १ लाख ८७ हजार ८ सय ५९, फ्रान्समा १ लाख ७६ हजार २ सय ९ जनामा संक्रमण पुष्टि भएको छ।
विश्वभर २ लाख ७४ हजार ६ सय ५१ जनाको कोरोना संक्रमणपछि मृत्यु भइसकेको छ। मृत्यु हुनेको संख्या पनि अमेरिकामा नै सर्वाधिक छ। त्यहाँ ७७ हजार १ सय ७८ जनाको मृत्यु भइसकेको छ। त्यस्तै, बेलायतमा ३१ हजार ३ सय १५, इटालीमा ३० हजार २ सय १, स्पेनमा २६ हजार २ सय ९९, फ्रान्समा २६ हजार २ सय ३३, ब्राजिलमा ९ हजार ९ सय ९२ जनाको मृत्यु भइसकेको छ।
त्यस्तै, विश्वभर १३ लाख ११ हजार २ सय ९१ जना संक्रमणमुक्त भएका छन्। संक्रमणमुक्त हुनेको संख्या पनि अमेरिकामा नै सर्वाधिक छ। त्यहाँ १ लाख ९८ हजार ९ सय ९३, जर्मनीमा १ लाख ४१ हजार ७ सय, स्पेनमा १ लाख ३१ हजार १ सय ४८, इटालीमा ९९ हजार २३ जना संक्रमणमुक्त भएका छन्।
नेपालमा पनि १ सय २ जनामा कोरोना संक्रमण पुष्टि भइसकेको छ। तीमध्ये ३१ जना संक्रमणमुक्त भइसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787796648.png)
-1787795595.png)
-1786602170.png)
-1786513116.png)
