संघीय संसदका सबैकाे कोरोना रिपाेर्ट नेगेटिभ

समाचार

नेपाल लाइभ शुक्रबार, वैशाख २६, २०७७ १३:५७

काठमाडाैं-संघीय संसदका सांसद, कर्मचारी तथा सुरक्षाकर्मीकाे कोरोना परीक्षण रिपाेर्ट नेगेटिभ आएको छ। बिहीबार संकलन भएको स्वाब परीक्षण गर्दा सबैकाे रिपाेर्ट नेगेटिभ आएको राष्ट्रिय जनस्वास्थ्य प्रयोगशाला टेकुले जनाएको छ।

‘बिहीबार संकलन भएका सबै स्वाबको रिपाेर्ट नेगेटिभ आएको छ, बाँकीको शनिबारमात्र आउने छ ’ प्रयोगशलाले भनेकाे छ।

बिहीबार संघीय संसद भवन परिसरमा ४४१ जनाको थ्रोट स्वाब संकलन गरिएको थियो। जसमा १७९ जना प्रतिनिधिसभाका र ३३ जना राष्ट्रिय सभाका सांसद थिए। त्यस्तै संसद सचिवालयका कर्मचारी र मर्यादापालक २२९ जनाको पनि स्वाब संकलन गरिएको थियो।

शुक्रबार पनि ६३ सांसदको स्वाब संकलन गरिएको छ। जसमध्ये ५३ जना प्रतिनिधि सभा तर्फका हुन् भने १० जना राष्ट्रिय सभाका सांसद हुन्।
सभामुख अग्नि सापकोटाका प्रेस संयोजक श्रीधर न्यौपानेका अनुसार अहिलेसम्म मन्त्रीसहित २७५ जना सांसदको स्वाब संकलन गरिएको छ। ५४ जनाको संकलन बाँकी छ।

संसद सचिवालयले कोरोना परीक्षण गरेपछि मात्र सांसद र कर्मचारीलाई संसद भवनमा प्रवेश दिइने नियम बनाएको छ। संघीय संसद भवनबाट अहिलेसम्म ६९२ जनाको स्वाब संकलन गरिएको छ। बिहीबार ४४१ जना र शुक्रबार २५१ जनाको स्वाब संकलन गरिएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रसुवाका तीनवटा आयोजनाबाट राष्ट्रिय प्रसारण प्रणालीमा थपियो १६८ मेगावाट विद्युत

सार्क मुलुकका पर्यटकको आकर्षण बन्दै ‘हट एयर बेलुन’

गैँडाको आक्रमणबाट आलु रोप्न गएका वृद्धको मृत्यु