भैरहवा–सिद्धार्थनगर सुनचाँदी व्यवसायी संघले भैरहवामा रहेका सुनचाँदी व्यवसायमा आबद्ध कालिगढहरुलाई राहत वितरण गरेको छ।
नेपाल सुनचाँदी व्यवसायी महासंघ र रुपन्देही सुनचाँदी व्यवसायी संघको सहकार्यमा ८५ जना कालिगढहरुलाई चामल, दाल, तेल, आलु, प्याज, साबुनलगायतका खाद्यान्न सामग्री वितरण गरिएको सिद्धार्थनगर सुनचाँदी व्यवसायी संघका सचिव किस्मत विकले बताए।
कोरोना भाइरसको संक्रमणका कारण सरकारले घोषणा गरेको लकडाउन पालना गर्ने क्रममा समस्या परेका कालिगढहरुलाई मध्यनजर गर्दै राहत वितरण गरिएको सिद्धार्थनगर सुनचाँदी व्यवसायी संघका अध्यक्ष प्रकाशमणि विकले बताए।
यसअघि सिद्धार्थनगर सुनचाँदी व्यवसायी संघले सिद्धार्थनगर नगरपालिकाको कोरोना रोकथाम तथा उपचार कोषमा ३१ हजार ५ सय रुपैयाँ सहयोग गरिसकेको संघका प्रथम उपाध्यक्ष सतिशकुमार कौशल (दिपक)ले बताए।
विश्वकर्मा महिला समाजद्वारा विपन्नलाई राहत
त्यस्तै विश्वकर्मा महिला समाज भैरहवा, रुपन्देहीले विपन्न परिवारलाई राहत वितरण गरेको छ। संविधानसभा सदस्य सीमाकुमारी कौशल, विश्वकर्मा महिला समाजका संस्थापक अध्यक्ष शिबु रसाइली, समाजसेवी मीना रामदामको सहयोग तथा पहलमा सिद्धार्थनगरका ९० विपन्न परिवारलाई खाद्यान्न सामग्री वितरण गरिएको हो।
लकडाउन पालना गर्ने क्रममा बिहान–साँझको छाक टार्न समस्या भएका परिवारलाई राहत वितरण गरिएको समाजले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
