एजेन्सी- कोरोना भाइरसको सङ्क्रमणका कारण इन्डोनेसियामा पूर्वनिर्धारित निर्वाचन पछाडि धकेलिएको छ।
आगामी सेप्टेम्बर २३ तारिखका लागि निर्धारण गरिएको निर्वाचन पछाडि धकेलिने भएको अधिकारीहरुले जनाएका छन्। यस निर्वाचनका लागि झण्डै एक अरब मतदाता रहेका छन्।
राष्ट्रपति जोको विडोडोले सोमबार एक निर्देशन जारी गर्दै यस पुर्वनिर्धारित निर्वाचन पछाडि सरेको घोषणा गरेका हुन्। उनले सेप्टेम्बरका लागि तय गरेको निर्वाचन डिसेम्बरमा हुनेगरी तय गरिएको जानकारी दिए।
अहिले सारेर निर्धारण गरिएको समयमा पनि निर्वाचन हुन्छ की हुन्न भन्नेबारे कोरोना भाइरसको महामारीको अवस्थामा भर पर्ने उनले स्पष्ट पारेका छन्।
विश्वमै धेरै जनसंख्या भएका मुलुकहरुमध्ये चौथो देशमा पर्ने इन्डोनेसियामा क्षेत्रीयस्तरको निर्वाचन गर्नुपर्ने बेला भएको हो।
राज्य सचिवालयको आधिकारीक वेभसाइटमार्फत् बुधबार दिइएको जानकारीअनुसार देशका २ सय ७० क्षेत्रमा निर्वाचन गर्नुपर्नेछ। ती क्षेत्रमा नौ जना गभर्नर, ३७ जना मेयर र २ सय २४ जना जिल्ला प्रमुख निर्वाचन गर्नुपर्ने वेभसाइटमा उल्लेख गरिएको छ।
इन्डोनेसियामा कोरोना भाइरसबाट अहिलेसम्म १२ हजार ४ सय ३८ जना सङ्क्रमित भएका छन्। तीमध्ये ३ सय ६७ जना पछिल्लो २४ घण्टामा सङ्क्रमित भएका हुन्। त्यसैगरी कुल मृतकको संख्या ८ सय ९५ पुग्दा पछिलो २४ घण्टामा २३ जनाको मृत्यु भएको अधिकारीहरुले जनाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791692981.webp)
-1786602170.png)
