बगली च्यातिँदै गयो,
सिक्का झर्दै गयो
अचम्म!
पैसाभन्दा त नाताहरू पो सकिँदै गयो।
उमेर बढ्दै गयो,
आयु घट्दै गयो
अचम्म!
जीवनभन्दा मरण पो सजिलो लाग्दै गयो।
हाँसो बढ्दै गयो,
खुशी घट्दै गयो
अचम्म!
भोलिभन्दा त हिजोको महत्व पो बढ्दै गयो।
आँखा धमिलो हुँदै गयो
सपना प्रष्ट हुँदै आयो
अचम्म!
सपनाको पछि दौडँदादौडँदै बाँच्न बिर्सिँदै गयो।
शरीरमा चाउरीपना बढ्दै गयो
सुन्दरता घट्दै गयो
अचम्म!
वाचा निभाउनेभन्दा,
बाचा तोड्नेहरूको संख्या बढ्दै गयो।
खुट्टा काम्दै गयो
मनोबल दह्रो हुँदै गयो
अचम्म!
शुरू गर्छु भन्दाभन्दै, कालले लगिगयो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
