काठमाडौं- नेपाल विद्युत प्राधिकरणले वितरण तथा ग्राहक सेवाका कर्मचारी र निर्माणाधीन आयोजनामा खटिएका कर्मचारीलाई सुरक्षाका सबै मापदण्ड पुरा हुने गरी काममा फर्किन निर्देशन दिएको छ।
प्राधिकरणले मिटर रिडर, आय संकलन काउन्टरका कर्मचारी, वितरण केन्द्र प्रमुख, प्रदेश एवं डिभिजन कार्यालय प्रमुख र निर्माणाधीन आयोजनाको काम र अन्य पुँजीगत कार्यमा खटिएका कर्मचारीहरुका लागि आचारसंहिता जारी गर्दै प्राधिकरणले काममा फर्किन भनेको हो। मिटर रिडरका लागि ५ बुँदे, आय संकलन काउन्टरका कर्मचारीका लागि १२ बुँदे, आयोजनामा खटिएका कर्मचारीका लागि ६ बुँदे र वितरण केन्द्र तथा प्रदेश डिभिजन कार्यालय प्रमुखका लागि ३–३ बुँदाको आचार संहिता जारी गरिएको छ।
लकडाउनका कारण प्राधिकरणको वितरण तथा ग्राहक सेवाअन्तर्गतका नो लाइट र मर्मत संभारजस्ता अत्यावश्यक सेवाका काम बाहेक बाँकी सबै काम प्रभावित भएका छन्। मिटर रिडिङ एवम् आय संकलनसम्बन्धी कार्यहरु प्रभावित हुदा प्राधिकरणले ठूलो मात्रामा राजश्व गुमाउनु परेको र यसबाट संस्थाको आर्थिक अवस्थामा पनि कमि आएको भन्दै प्राधिकरणले कर्मचारीलाई काममा खटिन भनेको हो।
लकडाउन केही खुकुलो हुँदै गएको परिप्रेक्ष्यमा प्राधिकरणको संस्थागत संचालन गर्न आवश्यक आर्थिक संकलन गर्न र विद्युत ग्राहकहरुको सुविधाको लागि पनि मिटर रिडिङ एवम् आय संकलनसम्बन्धी कार्यहरु संचालन गर्नुपर्ने भएको प्राधिकरणले जनाएको छ। यस्तै पुँजिगत कार्यक्रमअनुसारको कामहरु सम्पन्न नभएपछि लक्षित प्रगति नहुने र यसबाट राज्यलाई नै दीर्घकालीन असर पर्ने भएकाले निर्माणाधीन आयोजनाका कर्मचारीलाई पनि निश्चित आचार संहिताको पालना गरेर काममा फर्किन भनिएको छ।
यस्तो छ आचार संहिताः
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
