काठमाडौं- कारागार, विकास निर्माण आयोजनालगायतका महत्त्वपूर्ण संरचनाकाे सुरक्षाकाे जिम्मा नेपाली सेनालाई दिएर त्यहाँ खटिएका नेपाल प्रहरी र सशस्त्र प्रहरीलाई सीमामा पठाइने भएकाे छ। आइतबार गृहमन्त्री रामबहादुर थापा'बादल'काे उपस्थितिमा गृहमन्त्रालयमा बसेकाे बैठकले साे सम्बन्धी प्रक्रिया अगाडि बढाउने निर्णय गरेकाे हाे।
निर्वाचनको समयमा महत्त्वपूर्ण संरचनाको जिम्मा सेनालाई दिएर प्रहरीलाई निर्वाचनमा परिचालन गरिने विगतको नजिरअनुरुप अहिले काेराेनाले निम्त्याएकाे महामारी नियन्त्रण गर्न सिमामा थप कडाइ गर्ने उद्देश्यले साे निर्णय गरिएको हाे। बैठकले सिमाबाट लुकीछिपी प्रवेश गर्ने क्रम नराेकिएकाे भन्दै त्यसरी प्रवेश गर्नेलाई कडा कानुनी कारवाही गर्नुपर्ने निष्कर्ष निकालेकाे छ।
बैठकले भारतमा रहेका नेपालीलाई काेराेनाबाट सुरक्षित राख्न आवश्यक पहल तथा सिमा सुरक्षाका विषयमा भारत सरकारसँग छलफललाई तिव्रता दिने निर्णय गरेकाे छ। त्यसैक्रममा गृहमन्त्री बादलले काेराेना संक्रमणकाे केन्द्र चीन, युराेप अमेरिका हुँदै अब दक्षिण एसियातर्फ बढ्न लागेकाे भन्दै खुला सिमा रहेको कारण नेपालले अब विशेष सावधानी अपनाउन आवश्यक रहेको बताए।
उनले सिमामा थप कडाइ गर्न र रातको समयमा थप गस्ती बढाउन सुरक्षा निकायलाई निर्देशन समेत दिए। सिमावर्ती जिल्लामा सुरक्षाकर्मीको समन्वयमा सबै वडास्तरमा समुदायको सहयाेगमा स्वयंसेवक परिचालन कमिटी गठन गरी सिमाबाट हुने अवैध प्रवेशलाई निरुत्साहित गर्ने कार्यक्रम बनाउन उनले निर्देशन दिएका छन्। कति जनशक्ति सीमा पठाउने भन्नेबारे दुई दिनभित्र आइजीहरुले गृहमा विवरण पठाउने निर्णय भएको छ।
गृहमन्त्री बादलले सिमामा खटिएका सुरक्षाकर्मीका लागि आवश्यक स्रोतसाधनको व्यवस्थापनका लागि गृहमन्त्रालयले प्रक्रिया अघि बढाएकाे जानकारी दिए। बैठकमा गृहसचिव, परराष्ट्र सचिव, स्वास्थ्य मन्त्रालयका प्रतिनिधि, नेपाल प्रहरी, सशस्त्र प्रहरी, राष्ट्रिय अनुसन्धान विभागका प्रमुख, नेपाली सेनाका रथि प्रभुराम शर्मालगायतकाे उपस्थिति रहेको थियाे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1748769835.png)
-1748593223.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
