काठमाडौं- प्रधानमन्त्री केपी शर्मा ओलीले सचिवालय बैठकपछि पार्टी थप मजबुत र एक ढिक्का भएको बताएका छन्। उनले पार्टी भावनाअनुसार सरकारका काम कारबाही प्रभावकारी बनाउन मन्त्रीहरुलाई आग्रह गरेका छन्।
आइतबार बालुवाटारमा बसेको मन्त्रिपरिषद् बैठकमा प्रधानमन्त्री ओलीले पार्टीमा विवादहरु समाधान भएको भन्दै खुसी व्यक्त गरे। उनले पार्टीमा विवाद बढ्दै जाँदा दुर्घटनामा जाने स्थिति भए पनि अहिले रोकिएको बताए।
‘पछिल्लो सचिवालय बैठकले पार्टीलाई सुखद दिशातिर लगेको छ। यसबाट कुनै व्यक्तिको जितभन्दा पनि पार्टीको जित भएको छ,’ प्रधानमन्त्रीको भनाई उदृत गर्दै शिक्षा, विज्ञान तथा प्रविधिमन्त्री गिरिराजमणि पोखरेलले भने, ‘अब नेकपामा सबै विवादहरु समाधान भएका छन्। सबै मनमुटाव मेटियो। अब पार्टी एक ढिक्क हुन्छ।’ प्रधानमन्त्री ओलीले पार्टी सचिवालय र स्थायी कमिटी बैठकले सब नेताको मनमाझ्ने काम गर्ने उल्लेख गरेको बैठकमा सहभागी पोखरेलले बताए।
नेकपामा अध्यादेशको विषय, सांसद अपहरण र सरकारका काम कारबाहीका सम्बन्धमा विवाद बढ्दै गएको थियो। शनिबार बसेको सचिवालय बैठकमा प्रधानमन्त्री ओलीले आत्मआलोना गर्दै आफ्नो काम कारबाही सच्चाउने अभिव्यक्ति दिएपछि विवाद साम्य भएको हाे।
सरकार र पार्टीमा देखिएका समस्याका विषयमा बैशाख २५ गते बस्ने स्थायी कमिटी बैठकमा छलफल हुने भएको छ।
लकडाउन खुकुलो भएको भन्दै थप कडाई गर्ने विषयमा पनि बैठकमा छलफल भएको मन्त्री पोखरेलले बताए। 'कोरोना भाइरसकाे संक्रमण फैलिँदै गएको छ। एकआध मान्छेले लकडाउन उल्लंघन गर्दै हिंडेका छन्,’ मन्त्री पोखरेलले भने, ‘मन्त्रीज्यूबाट पनि लकडाउनलाई थप कडाई गर्नुपर्छ भन्ने कुरा आयो। सायद लकडाउन थप कडाई हुन सक्छ।’
आगामी २५ गतेपछि लकडाउनको स्वरुपमा परिवर्तन आउन सक्ने पोखरेलले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1748764343.png)
-1748593223.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
