काठमाडौं- सरकारले राजस्व विवरण बुझाउने समय एक महिना पर सारिदिएको छ। कोरोना भाइरसबाट अर्थतन्त्रमा परेको प्रभाव न्यूनीकरणका लागि ल्याइएको दोस्रो चरणको राहत प्याकेजमा जेठ २५ गतेमात्रै राजस्व विवरण बुझाए हुने उल्लेख छ।
कोरोना भाइरस नियन्त्रणका लागि चैत ११ गतेबाट लकडाउन गरिएको छ। यसको प्रभावले व्यवसायीले मूल्य अभिवृद्धि कर विवरण बुझाउन सकेका छैनन्। २०७६ को फागुन र चैत महिनाको मूल्य अभिवृद्धि कर विवरण तथा रकम २०७७ जेठ २५ गतेसम्ममा बुझाए हुने निर्णय भएको अर्थ मन्त्रालयले जनाएको छ।
यसैगरी २०७६ चैत मसान्तमा बुझाउनुपर्ने आयकर विवरण पनि २०७७ जेठ मसान्तसमम्मा बुझाए हुने गरी अघिल्लो निर्णयमा संशोधन गरिएको छ। सरकारले चैत अन्तिममा ल्याएको पहिलो चरणको प्याकेजमा यी विवरण वैशाख २५ गतेसम्ममा बुझाउनुपर्ने उल्लेख गरेको थियो।
यस्तै फागुन र चैतको अन्तशुल्कको विवरण पनि जेठ २५ गतेसम्ममा बुझाउन सक्ने व्यवस्था गरिएको छ। यसअघि वैशाख २५ गते तथा वैशाख मसान्तसम्मका लागि दिइएको भन्सार छुटको सुविधा जेठ १४ गतेसम्म कायम हुने गरी निर्णय भएको पनि अर्थ मन्त्रालयले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787802736-1787803515.jpeg)
-1786602170.png)
-1786513116.png)
