एजेन्सी- सन् २०१९ को डिसेम्बरबाट सुरू भएको कोरोना संक्रमण चीनबाहिर थाइल्याण्डमा पहिलोपटक देखियो। थाइल्याण्डमा चिनियाँ नागरिकहरू अत्यधिक मात्रामा यात्रा गरिरहने भएकाले संक्रमण फैलिएको आशङ्का गरिएको थियो।
भियतनामले कोरोना संक्रमणको सुरुवातबाटै कडा परीक्षण गरेर नियन्त्रणमा लिइरह्यो। अहिलेसम्म भियतनाममा कोरोना संक्रमितको जम्मा संख्या २ सय ६८ रहेको छ भने कसैको पनि मृत्यु भएको छैन।
जनवरीको अन्तिम दिनदेखि भियतनामले कोरोना भाइरसविरूद्धको रणनीति बनाएर अघि बढ्न थाल्यो। जिल्ला जिल्लामा क्वारेन्टाइन स्थापना गर्यो। जहाँ जहाँ कोरोना संक्रमितहरू भेटिन्थे त्यहाँ त्यहाँ क्वारेन्टाइन बनाएर यसको नियन्त्रणमा विशेष ध्यान दियो।
दक्षिण कोरियाले पनि संक्रमण देखिनासाथ अत्यधिक मानिसमा कोरोना परीक्षण गर्यो‚ जसले गर्दा उसले पनि कोरोना अहिलेसम्म पनि नियन्त्रणमै छ। जहाँ जहाँ सुरूदेखि नै सतर्कताका साथ परीक्षण गरियो‚ ती सबै देशले तुलनात्मक रूपमा संक्रमणको कम क्षती व्यहोरिरहेका छन्।
थाइल्याण्डमा पनि बिस्तारै कोभिड-१९ को संक्रमणमा कमी आएको छ। थाइल्याण्डमा अहिलेसम्म ३ हजारभन्दा कम मानिसमा कोरोना संक्रमण देखिएको छ भने ४९ जनाको मृत्यु भएको छ। थाइल्याण्ड पनि भियतनाम र दक्षिण कोरियाको तुलनामा द्रुत गतिमा परीक्षण गर्नका लागि सक्षम नभएको पाइएको छ।
स्वास्थ्यकर्मीका अनुसार मास टेस्टिङ अरूभन्दा खर्चिलो हुन्छ। तर थाइल्याण्डले पनि पहिलेदेखि नै उच्च सतर्कता अपनाइरहेको थियो। सुरूवाती चरणबाटै थाइल्याण्डमा सबैलाई फेस मास्क प्रयोग गर्नका लागि प्रोत्साहन गरिएको थियो। थाइल्याण्डमा जसलाई कोरोनाको संक्रमण देखियो‚ उनीहरूलाई उपचार गर्नमा कुनै पनि कमी बाँकी नराखी उपचार गरियो। पुरै देशमा दश लाख स्वास्थ्यकर्मीको टोली बनाएर यसको पहिचान गर्न सरकारले निर्देशन दियो।
इन्डोनेसियामा कोरोना संक्रमणका कारण मृत्यु हुनेको संख्या द्रूत गतिमा बढिरहेको छ। अन्य देशको तुलनामा इन्डोनेसियामा कम सानधानी अपनाइएको थियो। म्यान्मारमा पनि हरेक दिन ३ सय टेस्टको मात्र क्षमता छ। त्यहाँका नागरिकले कोरोना संक्रमणको सरकारी आँकडा कम भएको आरोप लगाएका छन्। तर पनि अहिलेसम्म एसियामा यूरोप‚ अमेरकामा भन्दा कम कोरोना संक्रमण भेटिएको छ।
कोही यसलाई सामाजिक व्यवहारलाई लिएर यसको विश्लेषण गर्छन् भने कोही अन्य कारण देखाउँदै कम फैलिएको धारणा राख्छन्। तर अहिलेसम्म पनि भविष्यमा एसियाले दक्षिण पूर्व एसिया इटाली‚ न्यूयोर्कजस्तो डरलाग्दो स्थितिको सामना गर्नुपर्छ या पर्दैन भन्नेबारे भने सबै अनभिज्ञ नै छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
