काठमाडौं–कोरोना भाइरस (कोभिड १९) ले पर्यटनमा सिर्जना गर्ने परिस्थितिका तयार रहन र पर्यटनलाई प्राथमिकतामा राख्दै अघि बढिरहेका देश तथा गन्तव्यलाई सहयोग गर्न अन्तर्राष्ट्रियस्तरमा ‘प्रोजेक्ट होप ट्राभल’ परियोजना सुरु गरिएको छ। हालसम्म करिब ३२ देशका प्रतिनिधि संलग्न भैसकेको यस परियोजनामा नेपालका पर्यटन विज्ञ दीपकराज जोशी पर्यटन लिडरका रुपमा सहभागी भएका छन्।
संयुक्त राष्ट्र विश्व पर्यटन संगठन (युनाइटेड नेसन्स वर्ल्ड टुरिजम अर्गनाईजेशन) का पूर्व महासचिव तथा विश्व पर्यटनका सम्मानित व्यक्तित्व डा तालेव रिफाईको संरक्षकत्वमा वैशाख ८ गते परियोजना घोषणा गरिएको हो। परियोजनाले पर्यटनलाई विश्वव्यापी रुपमा अँझ बढी उत्तरदायी, सुन्दर ,र समृद्ध बनाउन थप भूमिका खेल्ने छ।
यो अवधारणाको एकजना परिकल्पनाकारसमेत रहेका जोशीले भने, ‘पर्यटनलाई दीगो रुपमा सफल र दह्रो बनाउन विशेष ज्ञान र सीपको खाँचो हुन्छ र यस परियोजनाबाट नेपाललगायत दक्षिण एसियाली देशहरुले पनि नयाँ परिवेशमा पर्यटनलाई कसरी अघि बढाउने, गन्तव्यका सफल अभ्यास प्रचारित गरी कसरी लाभ लिने, भविष्यमा आउने संकटसँग जुध्न कसरी तयार रहनेजस्ता विषयमा थप सजग र सकारात्मक रुपले सक्रिय रहन सहयोग लिन सक्नेछन्।’
विश्व पर्यटन क्षेत्रमा नेतृत्वदायी भूमिका खेलेका र विशिष्ट योगदान दिएका व्यक्तिहरुको सक्रियतामा अघि बढाइएको यस परियोजनालाई अफ्रिकन टुरिजम बोर्डले पनि आत्मसात गर्दे अघि बढाउने भएको छ। समग्र अफ्रिकालाई एक गन्तव्यका रुपमा विकास र प्रवद्र्धन गर्ने अवधारणासहित २०१८ को नोभम्बरमा लन्डनमा भएको वल्र्ड ट्राभल मार्केटमा यस बोर्डको सुरुवात भएको थियो । अफ्रिकी देशसँगै विश्वका ६० भन्दा बढी देश र अन्य पर्यटनसँग सम्बद्ध संस्थाहरु यस बोर्डका सदस्य छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771572939.png)
-1764146706.png)
-1771566457.png)
