काठमाडौं– एनपीएल अन्तर्गत आफ्नो अन्तिम खेलमा कर्णाली याक्सले चितवन राइनोजलाई २४ रनले हराएको छ ।
कर्णालीले दिएको १५४ रनको लक्ष्य पछ्याउने क्रममा चितवन १९.१ ओभरमा अलआउट हुँदै १२९ रनमै समेटियो ।
पहिला ब्याटिङ गरेको कर्णालीले निर्धारित २० ओभरमा ८ विकेट गुमाई १५३ रन बनाएको थियो ।
चितवनलाई अलआउट गर्ने क्रममा कर्णालीका हुसैन तलातले सर्वाधिक ३ विकेट लिए भने मार्क वाट र पवन सर्राफले २/२ विकेट लिए । एक विकेट सोमपाल कामीको नाममा रह्यो ।
ब्याटिङमा चितवनका लागि उस्मा अमिरले अविजित सर्वाधिक २८ रनको पारी खेले । कमील मिसाराले २५, कुशल मल्लले १८, देश खनालले १४ र अशोक धामीले ११ रन बनाए ।
त्यसअघि टस जितेर पहिले ब्याटिङ गरेको कर्णालीले निर्धारित २० ओभरमा ८ विकेट गुमाउँदै १५३ रन जोडेको थियो ।
कर्णालीका लागि हुसैन तलातले अर्धशतक प्रहार गरे । ३३ बलमा दुई चौका र तीन छक्कासहित अविजित ५१ रनको पारी खेले ।
यस्तै आरिफुल इस्लामले १५ बलमा ३५ रन बनाउँदा गुल्शन झाले १८, पवन सर्राफले १५ रन बनाए । सिजनभर ब्याटिङमा चल्न नसकेका मार्क वाटले आज पनि ६ रन मात्र जोडे । आफ्नो पहिलो खेलमै ९३ रनको पारि खेलेका डेभिड मिलर पनि त्यसयताका आजको खेलसम्म चल्न सकेनन् ।
आजको खेलमा उनले मात्र ५ रन बनाउँदा दीपक डुम्रेले ७ रन बनाए भने सोमपाल कामीले ४ रन बनाए । सचिन शर्मा शून्यमा आउट हुँदा नन्दन यादव २ रनमा अविजित रहे ।
यता बलिङमा चितवनका लागि कमलसिंह ऐरी, सलाउद्दिन खान र उस्मा मीरले २/२ विकेट लिँदा रिजन ढकाल र सिकन्दर राजाले १/१ विकेट लिए । प्लेअफमा आफूलाई बलियो बनाउनका लागि चितवनलाई जित आवश्यक छ । चितवन ७ अंकसहित चौथो स्थानमा रहेको छ भने कर्णाली प्ले अफ दौडबाट बाहिरिसकेको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1700407943.jpg)
