भैरहवा- संघीय मामिला तथा सामन्य प्रशासन मन्त्री हृदयेश त्रिपाठिले सिमावर्ती क्षेत्रका स्थानीय सरकार प्रमुखलाई सीमापारीका सरकारसंग समन्वय गर्न निर्देशन दिएका छन्।
देशैभरका नेपाल भारत सिमावर्ती स्थानीय सरकारका प्रमुखसंग भिडियो संवाद गर्ने क्रममा मन्त्री त्रिपाठीले सिद्धार्थनगर नगरपालिका प्रमुख हरि प्रसाद अधिकारीसँग छलफल गर्ने क्रममा यस्तो निर्देशन दिएका हुन्।
मन्त्री त्रिपाठीले सिद्धार्थनगर प्रमुखसंग छलफलका क्रममा भने, 'भारतीयहरुलाई भैरहवा क्वारेन्टाइनमा छन्, तीनलाई तपाईहरुले व्यवस्थापन गर्नुस्, सिमापारीका जनप्रतिनिधिसँग छलफल गर्नुहोस्।'
उक्त छलफलमा नगर प्रमुख अधिकारीले सिद्धार्थनगर भैरहवाको वर्तमान वस्तुस्थितिको बारेमा जानकारी गराएका थिए।
'भैरहवाका आरडिटि मेसिन कृषि मन्त्रालयले पठाएको छ। तर आवश्यक उपकरण नहुँदा प्रयोग हुन सकेको छैन। दुईवटा क्वारेन्टाइन छन्। एउटामा भारतीय १५५ जना र शैक्षिक तालिम केन्द्रको क्वारेन्टाइमा २४ जना राखिएको छ।'
भैरहवास्थित प्रदेश जनस्वास्थ्य प्रयोगशालामा पिसिआर मेसिन सञ्चालनमा छ। केही दिन अगाडि संघीय सरकारको कृषि मन्त्रालयले भैरहवास्थित प्रदेश जनस्वास्थ्य प्रयोगशालालाई आरटिडि मेसिन प्रदान गरेको छ।
नगरप्रमुख अधिकारीले भारतीय सीमावर्ती क्वारेन्टाइनमा रहेका ३ सय ५ जनालाई नेपाल ल्याइ आ–आफ्नो पलिकामा राख्ने व्यवस्था गर्न तथा भैरहवामा रहेका भारतीय नागरिकलाई भारत जाने व्यवस्था गर्न संघीय सरकारसँग माग गरेका थिए। उनले खुला सिमाना भएकोले सीमा क्षेत्रमा सुरक्षा निगरानी बढाउन एवं अन्तरदेशीय रुपमा एकीकृत सुरक्षा बढाउन संघीय सरकारले पहल गर्नुपर्ने आग्रह गरे।
त्यसै गरी नगरप्रमुख अधिकारीले मास्क, सेनिटाइजर, ग्लोब्स अभाव हुँदै गएको बताउँदै सरकारले त्यसतर्फ ध्यान दिन आग्रह गरे। सिद्धार्थनगर नगरपालिकाले नगरभित्र १ हजार ७ सय ४२ जना मजदुरलाई राहत वितरण गरिसकेको छ।
अहिले वडावडामा फाराम पठाएको नगरउपप्रमुख उमा काफ्लेले बताइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
