काठमाडौं- विश्वभर कोरोना भाइरसको संक्रमितको संख्या १२ लाखभन्दा बढी पुगेको छ। अमेरिकाको जोन होप्किन्स विश्वविद्यालयले अद्यावधिक गरेको तथ्यांकअनुसार हाल (नेपाली समयअनुसार दिउँसो २ बजेर १३ मिनेट) १२ लाख ३ हजार ९ सय २३ जना कोरोना भाइरस संक्रमित भएका छन्। यी मध्ये सबैभन्दा बढी सक्रमित अमेरिकामा भेटिएका छन्। अमेरिकामा ३ लाख १२ हजार २ सय ३७ जना कोरोना संक्रमित भएका छन्।
यसैगरी स्पेनले अमेरिकालाई पछ्याएको छ। स्पेनमा १ लाख २६ हजार १ सय ६८ जना कोरोना संक्रमित भएको विश्वविद्यालयको तथ्यांक छ। यस्तै इटली र जर्मनी बढी कोरोना संक्रमित भएको देशको सूचीमा क्रमशः तेस्रो र चौथो स्थानमा छन्। इटलीमा १ लाख २४ हाजर ६ सय ३२ जना संक्रमित छन् भने जर्मनीमा ९६ हजार ९२ जनामा यसको संक्रमण फैलिएको छ।
यसैगरी बढी संक्रमित भएका देशमा फ्रान्स पाचौं स्थानमा छ। भर्खरै फ्रान्समा कोरोना संक्रमित हुनेको संख्या चीनभन्दा बढी पुगेको छ। फ्रान्समा ९० हजार ८ सय ५३ जनामा कोरोनाको संक्रमण पुष्टि भइसकेको छ। चीनमा भने ८२ हजार ५ सय ७४ जना कोरोना संक्रमित भएका छन्। यद्यपि चीनमा कोरोना संक्रमणको दर घट्दो क्रममा छ भने युरोपेली देश र अमेरिकामा यसको संक्रमण थप विस्तार हुने क्रममा देखिएको छ। चीनलाई इरानले पछ्याएको छ।
विश्वभरमा कोरोना संक्रमितमध्ये २ लाख ४७ हजार भने उपचार पछि निको भएका छन्र सबैभन्दा बढी निको हुने दर चीनमा छ। चीनमा मात्रै ७७ हजार १ सय ८७ जना निको भएर घर फर्किएका छन्। चीनपछि स्पेन, जर्मनी र इटली रहेका छन्।
कोरोना भाइरसबाट मृत्यु हुनेको संख्या ६४ हजार ८ सय ६ पुगेको विश्वविद्यालयको तथ्यांक कछ। सबैभन्दा बढी इटलीमा यो भाइरसको संक्रमणबाट मृत्यु भएको छ। इटलीमा १५ हाजर ३ सय ६२ जनाको यही भाइरसको संक्रमणबाट मृत्यु भएको छ। यसपछि स्पेन, फ्रान्स र बेलायतमा बढी मानिसको मृत्युको कारण कोरोना भाइरस बनेको छ।
नेपालमा भने हालसम्म ९ जनामा यसको संक्रमण पुष्टि भएको छ। एक जना उपचारपछि फर्किसकेका छन् भने बाँकी ८ जनाको देशका विभिन्न अस्पतालमा आइसोलेसनमा उपचार भइरहेको छ। यसअघि विदेशबाट आएका व्यक्ति मात्र संक्रमित पाइएको नेपालमा शनिबार मात्रै एक व्यक्तिबाट अर्को व्यक्तिमा संक्रमण भएको स्वास्थ्य मन्त्रालयले पुष्टि गरेको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
