धर्मगुरुलाई गोली प्रहार गरिएको घटनाको निन्दा

विचार

नेपाल लाइभ सोमबार, चैत २६, २०७४ ०७:४२

राजविराज– धर्मगुरु श्रीनिवास आचार्यलाई गोली प्रहार गरिएको घटनाप्रति हिन्दु युवा परिषद् सप्तरीले भर्त्सना गरेको छ।

परिषदका प्रमुख जंगबहादुर सिंहले सोमबार एक प्रेस विज्ञप्ति जारी गरी घटना ‘अमानवीय र निन्दनीय’ भएको भन्दै भर्त्सना गरेका छन्। हिन्दु सन्तमाथि भएको दुःखद घटनाले समस्त सनातन हिन्दु समाजलाई आघात पुुर्‍याएको विज्ञप्तिमा उल्लेख छ।

आचार्यमाथि आइतबार बिहान विराटनगरको रामजानकी मन्दिरमा गोली प्रहार भएको थियो। बिहान करिब ३ बजे शौचका लागि निस्किएका बेला उनीमाथि गोली प्रहार भएको थियो। सुनसरीको चकरघट्टी घर भएका आचार्य विराटनगरस्थित रामजानकी मन्दिरमा पुराण वाचनका लागि आएका थिए।

विराटनगरस्थित न्यूरो अस्पतालमा उपचार गराइरहेका आचार्य खतरामुक्त रहेको चिकित्सकले बताएका छन्।

आचार्यमाथि गोली प्रहार गरेको आशंकामा प्रहरीले विराटनगर १४ बाट २ जनालाई नियन्त्रणमा लिएको छ। पक्राउ पर्नेको नाम सार्वजनिक गरिएको छैन।

मोरङका एसपी अरुणकुमार बिसीले मंगोललाई हेपेको भन्ने विषयको पर्चा भेटिएकाले घटनामा मंगोल अर्गनाइजेसनको संलग्नता हुनसक्ने आशंका रहेको बताएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

चिकित्सक संघद्वारा थप आन्दोलनको घोषणा

शिक्षक आन्दोलन : तीन दिनभित्र शिक्षकका जायज माग पूरा गरी विद्यालय फर्काउने वातावरण सुनिश्चित गर्न सर्वोच्चको आदेश

रुकुम पूर्व केन्द्रविन्दु भएर भूकम्प