हत्या गरिएका व्यक्तिकै फेसबुकबाट शवको तस्बिर सार्वजनिक, प्रहरी र आफन्त आश्चर्यमा

विचार

नेपाल लाइभ सोमबार, चैत २६, २०७४ ०५:२४

रसुवा- रसुवाको एक विद्यालयका प्रबन्ध निर्देशक मारिएको तस्बिर फेसबुकमा प्रकाशित भएपछि उनका आफन्तहरुले रसुवा बन्द गरेका छन्।

रसुवाको उत्तरगया गाउँपालिका ५ लहरे घर भई बेत्रावती ट्रिनिटी इंग्लिस बोर्डिङ स्कुलका सञ्चालक रहेका २९ वर्षीय चित्रमान डंगोल ११ दिनदेखि बेपत्ता थिए। चैत १५ गतेदेखि हराएका डंगोलको मृत शरीरको तस्बिर फेसबुकमा हिजो राति पोस्ट भएपछि आफन्तहरुले आज बिहानैदेखि रसुवा बन्द गरेका हुन्।

१२ वर्षअघि भाइलाई छुरा हानेको बदला लिनका लागि मारिएको स्टाटससहित तस्बिर प्रकाशन भएपछि सत्यतथ्य पत्ता लगाउन माग गर्दै रसुवा बन्द गराएको स्थानीय गणेश श्रेष्ठले बताए।

मारिएको तस्बिर सहितको खबर उनकै फेसबुकबाट प्रकाशित भएपछि उनका परिवार तथा आफन्तहरु आश्चर्यमा परेका छन्।

बेपत्ता भएदेखि नै खोजीका लागि प्रहरीलाई उजुरी दिए पनि चासो नदिएको र हत्या भएको तस्बिर सार्वजनिक हुँदा पनि छानबिन नथालेको भन्दै स्थानीहरु आक्रोशित भएका छन्।

जिल्ला प्रहरी कार्यालयका प्रहरी नायब उपरीक्षक शरतकुमार थापा क्षेत्रीले भने डंगोल हत्याबारे अनुसन्धान थालिएको बताए।

चैत १५ गते आफ्नो घर लहरेबाट स्याफ्रुबेँसीका लागि हिँडेका श्रेष्ठ सोही दिन राति १० बजे आफू स्याफ्रुबेँसी पुगेको जानकारी घरपरिवारमा गराएपछि सम्पर्कविहीन भएको उनका दाजु नेत्रमान डंगोलले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

चिकित्सक संघद्वारा थप आन्दोलनको घोषणा

शिक्षक आन्दोलन : तीन दिनभित्र शिक्षकका जायज माग पूरा गरी विद्यालय फर्काउने वातावरण सुनिश्चित गर्न सर्वोच्चको आदेश

रुकुम पूर्व केन्द्रविन्दु भएर भूकम्प